علماء کونسل سیکریٹری کمال ناصر نے دیا استعفیٰ،پارٹی پر لگایا الزام،کہا مولانا طاہر مدنی صاحب کے ساتھ جو سلوک ہورہاہے،اس وجہ سے پارٹی چھوڑنے پر ہوا ہوں مجبور!

اعظم گڑھ،رپورٹ،ریحان اعظمی(یواین اے نیوز19مارچ2020)راشٹریہ علماء کونسل کے قد آور رہنما اور اعظم گڑھ کے ضلعی سکریٹری کمال ناصر نے اچانک پارٹی سے استعفیٰ دے دیا ہے اور اعظم گڑھ کی سیاست میں ہلچل پیدا کردی ہے۔آپ کو بتادیں کہ کمال ناصر کو آر یو سی کے بہت پرانے رہنماؤں میں شمار کیا جاتا ہے ، جو اعظم گڑھ دیدار گنج کے سابق  ضلعی ودھان سبھا صدر بھی تھے ، لیکن کل انہوں نے اچانک اپنے فیس بک اکاؤنٹ کے ذریعے پارٹی کی رکنیت اور عہدے سے استعفیٰ دے کر ایک ہلچل پیدا کردی ، جس کی وجہ سے سوشل میڈیا پر الزامات کا ایک سلسلہ شروع ہوچکا ہے،یواین اے نیوز کے نمائندے سے کمال ناصر نے اس سلسلے میں گفتگو کرتے ہوئے انہوں نے کہا کہ آر یو سی جو مشن کو لیکر وجود میں آئی تھی اب وہ اس سے بھٹک چکی ہے اور اپنے کارکنوں کو ہی نہیں بلکہ اعلی سطح کے رہنماؤں کے برے وقت میں ساتھ دینے سے کتراتی ہے۔

کمال ناصر نے پارٹی کے اعلی رہنما مولانا طاہر مدنی کے ساتھ پارٹی کے ساتھ کھڑے نہ ہونے پر برہمی کا بھی اظہار کیا ، جو سی اے اے احتجاج کی وجہ سے کئی مہینوں سے جیل میں بند ہیں۔انہوں نے کہا کہ طاہر مدنی پارٹی کے ایسے لیڈر ہیں ، جن کو پارٹی کے ہر عام آدمی  احترام کی نظر سے دیکھتا ہے لیکن مدنی صاحب ایک ماہ سے جیل میں بند ہیں ، لیکن جس طرح پارٹی ہائی کمان کو مدنی صاحب کے ساتھ کھڑا ہونا چاہئے وہ کھڑے نہیں ہیں۔جب پارٹی طاہر مدنی صاحب جیسے لوگوں کے ساتھ یہ رویہ رکھتی ہے تو پھر عام کارکن کے ساتھ کیا کیا جاسکتا ہے اس کا اندازہ لگایا جاسکتا ہے۔یہ پوچھے جانے پر کہ وہ کس پارٹی میں شامل ہوں گے،کمال ناصر نے کوئی جواب دینے سے انکار کردیا اور کہا کہ وہ جو بھی کریں گے میڈیا اور عوام کو جلد پتہ چل جائے گا۔