دہلی انتخابات سے پہلے بی جے پی کو لگا بڑا دھچکا ، سی اے اے تنازعہ کی وجہ سے اکالی دل نے کیا یہ اعلان۔کہا

نئی دہلی(یواین اے نیوز20جنوری2020)دہلی اسمبلی انتخابات سے عین قبل بھارتیہ جنتا پارٹی (بی جے پی) کو بڑا دھچکا لگا ہے۔ بی جے پی کی حلیف اکالی دل نے شہریت کے قوانین کے مابین اختلافات کے سبب دہلی انتخابات نہ لڑنے کا فیصلہ کیا ہے۔ بی جے پی چاہتی تھی کہ اکالی دل کے امیدوار دہلی کے انتخابات میں اپنے انتخابی نشان کے تحت لڑیں۔ اس سے قبل بی جے پی اور اکالی دل نے دہلی کی چار سیٹوں پر مل کر لڑنے کا فیصلہ کیا تھا۔

 ان میں راجوری گارڈن ، ہری نگر ، شاہدرہ اور کالکاجی جیسی نشستیں شامل تھیں۔ پرکاش سنگھ بادل کے قریبی ایک اکالی رہنما نے کہا کہ ہم نے بی جے پی کے آرٹیکل 370 کو ختم کرنے اور شہریت قانون پاس کرنے کے وقت بی جے پی کی حمایت کی تھی ، لیکن اب بی جے پی اتحاد کا دھرم نہیں نبھا رہی ہے۔