پیر، 27 اکتوبر، 2025

Home Unlabelled متاعِ ضیاء: قاری اشتیاق احمد ضیاء جون پوری کا دوسرا نعتیہ مجموعہ جاری

متاعِ ضیاء: قاری اشتیاق احمد ضیاء جون پوری کا دوسرا نعتیہ مجموعہ جاری

Admin اکتوبر 27, 2025

جونپور، اسماعیل عمران (یو این اے نیوز 27 اکتوبر 2025): شہر جونپور کے مشہور شاعر اور قاری اشتیاق احمد ضیاء جون پوری کے دوسرے نعتیہ مجموعہ "متاعِ ضیاء" کا اجراء ایک جوش و جذبے سے بھرپور تقریب میں ہو گیا۔ یہ تقریب نذیریہ لائبریری کے زیرِ اہتمام تندوری دربار کے وینکٹ ہال میں منعقد کی گئی، جہاں ادبی و دینی حلقوں کی نمایاں شخصیات نے شرکت کی اور پروگرام کو چار چاند لگا دیے۔

مجموعہ کا اجراء لکھنؤ سے تشریف لائے ممتاز شعراء میں شمار جناب کاوش شوکت کے دستِ مبارک سے عمل میں آیا۔ صدارت کا فریضہ شہر کے مشہور عالمِ دین ڈاکٹر مولانا عبد الوحید قاسمی نے سنبھالا، جبکہ مہمانانِ خصوصی میں شہر کے مشہور شاعر و ناظم جناب پرکھر دیویدی، ممبئی سے آئے جناب ابوذر انصاری جونپوری، جناب صابر سیفی اور جناب ارشاد انور شامل تھے۔ جناب ارشاد انور کی عمدہ نظامت نے تقریب کو مزید دلچسپ بنا دیا۔

شہر کے ممتاز عمائدین و شعرائے کرام کی شرکت نے اس ادبی محفل کو رونق بخش دی۔ ان میں کئی کتابوں کے مصنف جناب عرفان جونپوری،جناب ندیم علوی، محمد حنیف انصاری، جناب عمر فاروقی ایڈووکیٹ، نادم جون پوری، مونس جون پوری، قاری حسان اور دیگر معززین شامل تھے۔ ان حضرات کی موجودگی نے نہ صرف تقریب کی شان بڑھائی بلکہ نعت گوئی اور شاعری کی روایت کو مزید مستحکم کیا۔

آخر میں، نذیریہ لائبریری کے سکریٹری محمد عارف خان نے تمام مہمانانِ گرامی، شرکاء اور تعاون کرنے والوں کا شکریہ ادا کیا۔ انہوں نے کہا کہ ایسی تقریبات ادبی و دینی شعور کو اجاگر کرنے میں اہم کردار ادا کرتی ہیں۔ تندوری ڈھابا میں منعقدہ یہ پروگرام شہر کی ادبی زندگی کا ایک یادگار لمحہ ثابت ہوا، جو قاری اشتیاق احمد ضیاء جون پوری کی نعتیہ شاعری کی مزید پذیرائی کا باعث بنے گا۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ