اشرف العلوم کنہواں کے اجلاس صدسالہ کو کامیاب بنانے کیلئے باشندگان کنہواں کی دہلی میں میٹنگ
میٹنگ میں کنہواں بستی سے تعلق رکھنے والے محمد مصطفے ،امتیاز عالم ،محمد قمر عالم ،مولانا محمود عالم،عبد الجبار،محمد نور عالم ،ریاض عالم،محمد اسلم ،شمیم بھائی ،منظر عالم ،محمد منے ،صدر عالم ،مسعود بھائی سمیت متعدد لوگوں نے شرکت کی ،علاوہ دارالعلوم صدیقہ کے مہتمم مولانا انیس الرحمن نعمانی اور قاری تنویر عالم نے بھی میٹنگ میں حصہ لیا ۔میٹنگ کی صدارت کا فریضہ اشرف العلوم کنہواں کے استاذ مولانا اسعد اللہ نے انجام دیا جبکہ مہمان خصوصی کی حیثیت سے ملت ٹائمز کے ایڈیٹر شمس تبریز قاسمی نے شرکت کی ، اس موقع پر باشندگان کنہواں سے کہاگیا کہ ان کیلئے یہ بات باعث فخر اور قابل رشک ہے کہ اشرف العلوم جیسا تاریخی اور عظیم ادارہ ان کے گاﺅں میں واقع ہے اور اس اجلاس کو کامیاب بنانے میں انہیں سب سے زیادہ کلیدی روال اداکرنے کی ضرورت ہے ۔
واضح رہے کہ بہار کے سیتامڑھی ضلع میں ہندونیپال کی سرحد پر واقع اشرف العلوم کنہواں بہار کا عظیم اور تاریخی ادار ہے ،آج سے سوسال قبل 1918 میں مولانا صوفی رمضان علی نے قائم کیا تھا ،سوسال مکمل ہونے پر مجلس شوری نے 24 تا26 مارچ 2018 کو سہ روزہ جشن صدسالہ منانے کا اعلان کیا ہے ،جس کی تیاری جاری ہے ۔مزید تفصیل کیلئے مولانا اسعد اللہ سے اس نمبر پر رابطہ کیا جاسکتاہے ۔
9718829175
کوئی تبصرے نہیں:
ایک تبصرہ شائع کریں