مین پوری میں دلہن سمیت پانچ لوگوں کا قتل،قاتل نے خود کو ماری گولی،وجہ گھریلو چپقلش
اترپردیش ۔اسماعیل عمران (یو این اے نیوز 24 جون 2023) اترپردیش کے مین پوری میں منصوبہ بند طریقے سے اجتماعی قتل کا معاملہ سامنے آیا ہے۔ پہلے قاتل نے پانچ افراد کو قتل کیا۔ اس کے بعد اس نے خود کو بھی گولی مار کر ہلاک کرلیا۔ ایک روز قبل خاندان میں ایک شادی تھی۔
اب وہاں ماتم ہے۔ قتل کی وجہ گھریلو چپقلش بتائی جارہی ہے۔ قاتل نے نو نویلی دلہن سمیت ایک ہی خاندان کے پانچ افراد کو موت کے گھاٹ اتار دیا ۔ جیسے ہی لوگوں کو اس منصوبہ بند طریقے سے ہونے والے قتل کا علم ہوا تو کہرام مچ گیا۔ قتل معاملے کی اطلاع پولیس کو دی گئی۔ اس واقعہ میں دو افراد شدید زخمی بتائے جارہے ہیں ۔ انہیں علاج کے لیے اسپتال میں داخل کرایا گیا ہے۔ پولیس نے اس واقعہ کی تحقیقاتی ٹیم کو لیکر چھان بین شروع کردی ہے۔ مین پوری ضلع کے کشنی کے گاؤں گوکل پور اسرارا میں بھیانک طریقے سے قتل کرنے کے منصوبے کو عملی جامہ پہنایا گیا ہے اس واقعے میں 6 افراد اپنی جان سے ہاتھ دھو بیٹھے ہیں۔ 2 افراد شدید زخمی۔ وہ ہسپتال میں زیر علاج ہے۔
اسرارا قتل کیس کے بارے میں سننے والا بھی چونک جارہا ہے بتایا جا رہا ہے کہ یہ قتل گھریلو چپقلش کو لیکر ہوا ہے قاتل نے ایک ہی خاندان کے پانچ افراد کو قتل کر دیا۔ اس نے پھاوڑا اٹھایا اور لوگوں کا قتل کردیا ۔ اس واقعہ میں دو حقیقی بھائی، بہنوئی اور ایک شخص کی پھاؤڑے کی زد میں آنے اور زیادہ خون بہنے کی وجہ سے اس کی موت ہوگئی۔ قاتل نے نو نویلی دلہن کا بھی قتل کر دیا۔ پانچ افراد کو قتل کرنے کے بعد اس نے خود کو بھی گولی مار کر ہلاک کرلیا ۔ گولی لگنے سے اس کی موقع ہی پر موت ہو گئی۔ اس دوران پھاؤڑے کی زد میں آکر دو دیگر افراد بھی شدید زخمی ہوگئے۔ اس پورے قتل کیس کی تفتیش شروع کر دی گئی ہے۔ پولیس معاملے کی تحقیقات کر رہی ہے۔
معلوم ریے اسرارا گوکل پور گاؤں میں اس قتل کے بعد خاموشی چھائی ہوئی ہے ۔ نوجوان نے اپنے ہی خاندان کے 5 افراد کو پھاؤڑے سے مار کر قتل کردیا۔ ملزم نے خود کو بھی گولی مار کر خودکشی کرلی۔ 6 افراد کے قتل کی اطلاع ملتے ہی پولیس کے اعلیٰ افسران موقع پر پہنچ گئے۔
جائے وقوعہ پر لاشیں ادھر ادھر بکھری ہوئی ملیں۔ بتایا جا رہا ہے کہ ایک روز قبل قاتل کے چھوٹے بھائی کی بارات دلہن کے ساتھ واپس آئی تھی۔ بھائی کو قتل کرنے کے بعد قاتل نے دلہن کو بھی جان سے مار ڈالا ۔ اسرارا گاؤں کے شیویر کے بیٹے سبھاش یادو (30) نے رات میں اس خطرناک کام کو انجام دیا۔
پولیس نے بتایا کہ شیویر کے چھوٹے بھائی 23 سالہ سونو یادو کی شادی کی بارات اٹاوہ سے گنگا پورہ گئی تھی۔ بارات جمعہ کو ہی واپس آگئی تھی۔ اس کے بعد جمعہ کی رات شیویر کا گھر والوں سے کسی بات پر جھگڑا ہوا۔ اس کے بعد اس نے ایک ایک کر کے 5 لوگوں کو مار ڈالا۔ اس نے چھوٹے بھائی سونو، اس کی بیوی، دوسرے چھوٹے بھائی ابھیشیک، بہنوئی سوربھ کے بیٹے رام کرشن یادو، حویلیہ تھانہ کشنی کے رہنے والے، اور فیروز آباد کے دوست دیپک کو بھی موت کے گھاٹ اتار دیا ۔ معلوم رہے
شیویر نوئیڈا میں ایک کمپیوٹر سنٹر چلاتا ہے۔ جمعہ کو ان کے چھوٹے بھائی سونو کی بارات اٹاوہ سے واپس آئی تھی۔ رات کے وقت سونو اور اس کی نئی نویلی دلہن سونی گھر کی چھت پر سو رہے تھے۔ چھوٹا بھائی بھولن، بھائی کا دوست دیپک رہائشی فیروز آباد، بہنوئی سوربھ اور دیگر رشتہ دار نیچے سو رہے تھے۔ رات تقریباً گیارہ بجے تک گھر میں ناچ گانے کا پروگرام جاری رہا۔ جب سب سو گئے۔ رات تقریباً 3 بجے شیویر نے سب سے پہلے چھت پر سوئے ہوئے سونو اور اس کی دلہن سونی کو پھاؤڑے سے مار کر ہلاک کر دیا۔ پھر بھائی بھولن، بھائی کے دوست دیپک، بہنوئی سوربھ کو بھی قتل کر دیا۔
شیویر نے اپنی بیوی ڈولی اور والد سبھاش چندر کو بھی پھاؤڑے سے مار کر زخمی کر دیا۔ چیخ و پکار سن کر گھر والوں نے اسے پکڑنے کی کوشش کی۔ وہ بھاگ کر گھر کے پچھلے حصے میں گیا اور وہیں پر اپنے سر میں گولی مار کر خودکشی کر لی۔
پولیس نے لاشیں اپنے قبضے میں لیکر پوسٹ مارٹم کے لیے بھیج دیا ہے
پولیس نے بتایا کہ زخمیوں کو ضلع اسپتال مین پوری بھیجا گیا ہے۔ ہلاک شدگان کی لاشوں کو قبضے میں لے کر پوسٹ مارٹم کے لیے ضلع اسپتال مین پوری کے مردہ خانہ میں بھیج دیا گیا ہے۔ مقامی پولیس فورس، انچارج انسپکٹر کشنی، فیلڈ یونٹ، سرویلنس ٹیم اور ڈاگ سکواڈ ٹیم موقع پر موجود ہے۔ سٹی سی او کرہل اور ایس پی بھی موقع پر پہنچ گئے۔ اس معاملے میں قانونی کارروائی شروع کر دی گئی ہے۔ پولیس نے میڈیا سے کہا کی موقع پر امن و امان قائم ہے
کوئی تبصرے نہیں:
ایک تبصرہ شائع کریں