اعظم گڑھ میں لحاف گدے کی فیکٹری میں آگ لگنے سے6سالہ بچہ جھلس گیا،لاکھوں کا نقصان!
اعظم گڑھ. اسماعیل عمران (یو این اے نیوز 16نومبر 2022)اترولیا کے چھیتونی گاؤں میں بدھ کی صبح تقریباً 7 بجے لحاف گدے کے گودام میں شارٹ سرکٹ کی وجہ سے آگ لگنے سے لاکھوں مالیت کا سامان جل کر راکھ ہو گیا۔ آگ لگنے سے چھ سالہ بچہ بھی جھلس گیا۔ جنہیں قریبی CHC میں داخل کرایا گیا ہے۔ جبکہ رشتے دار نے کسی طرح بھاگ کر جان بچائی۔ گاؤں والوں نے ایک گھنٹے کی کوشش کے بعد آگ پر قابو پالیا۔ فائر بریگیڈ کے دیر سے پہنچنے پر لوگوں میں غصہ پایا گیا۔
اودھیش یادو کی سینما ہال کے قریب گدے لحاف کی فیکٹری ہے۔ سرد موسم کی وجہ سے فیکٹری میں کافی مقدار میں خام مال موجود تھا۔ بجلی کے شارٹ سرکٹ کی وجہ سے صبح سات بجے اچانک آگ بھڑک اٹھی۔ آگ نے چند لمحوں میں اپنا کام کردیا۔ فیکٹری میں ایک طرف رہنے والے ایک رشتے دار کو کسی طرح باہر نکالا گیا۔ آگ کی لپیٹ میں آکر چھ سالہ باسو جھلس گیا۔
لحاف گدے اور روئی کی وجہ سے آگ اور دھواں دو کلومیٹر تک دکھائی دے رہا تھا۔ آس پاس کے گاؤں کے لوگ بھی پہنچ گئے۔ گاؤں والوں نے بالٹی سے پانی اور پمپ چلا کر آگ بجھانا شروع کر دیا۔ تقریباً ایک گھنٹے کی کوشش کے بعد آگ پر قابو پالیا گیا۔ لوگوں نے بتایا کہ فیکٹری میں آگ بجھانے والا سلنڈر رکھا ہوا تھا وہ بھی پھٹ گیا۔ اسکی پھٹنے سے آگ نے اس وقت مزید خوفناک شکل اختیار کر لی ۔
فیکٹری مالک نے بتایا کہ آگ سے تین واشنگ مشین ، چھ سلائی مشین، دو الیکٹرانک ترازو، چھ پنکھے اور 20 سے 25 لاکھ مالیت کا خام مال جل گیا۔ اطلاع کے بعد بھی فائر بریگیڈ کی گاڑی کو دیر پہنچنے پر لوگوں نے ہنگامہ کیا۔ الزام ہے کہ اطلاع دینے کے بعد بھی فائر بریگیڈ کی گاڑی ڈیڑھ گھنٹے کے بعد پہنچی۔
کوئی تبصرے نہیں:
ایک تبصرہ شائع کریں