نئی دہلی۔(یو این اے نیوز 28 فروری 2020) پلوامہ حملہ میں سی آر پی ایف کے 40 اہلکاروں کی ہلاک کرنے والی پوری سے جلد ہی پردہ اٹھ سکتا ہے۔ این آئی اے نے اس معاملے میں اہم شواہد ملنے کا دعوی کیا ہے۔ این آئی اے کے مطابق ، نئے ثبوت کی بنیاد پر، پوری سازش میں ملوث متعدد ملزمان کی شناخت ہوگئی ہے اور ان سے مزید تفتیش کی جارہی ہے۔ اہم بات یہ ہے کہ اس حملے میں ملوث حملہ آور سمیت پانچ مشتبہ افراد ہلاک ہوچکے ہیں ، لیکن ابھی تک پوری شازش سے پردہ اٹھ نہیں پایا ہے۔دراصل ، پلوامہ حملے کے ایک سال بعد بھی ،
این آئی اے چارج شیٹ داخل نہیں کرپایا تھا۔ اس معاملے کی تفتیش میں سب سے بڑا مسئلہ یہ تھا کہ اس حملے کی سازش میں ملوث کسی بھی ملزم کو زندہ نہیں پکڑا جاسکا۔ حملہ آور عادل احمد ڈار موقع پر ہی مر گیا تھا۔ حملے کی سازش میں مرکزی کردار ادا کرنے والے مدثر احمد خان ، گذشتہ سال 10 مارچ کو 25 دن بعد ماراگیا اس کے بعد ، پچھلے سال ، کامران ، جو اس سازش میں شامل تھا ، اسکو 29 مارچ کو سجاد بھٹ کو 18 جون کو پولیس تصادم میں مار گرایا گیا تھا قاری یاسر کا بھی پلوامہ حملے کی شازش میں ملوث ہونا بتایا جاتا ہے ۔ اس کے علاوہ جیش محمد پلوامہ حملے کے لئے کار کا انتظام کرنے والا گرفتار کیۓ جانے سے پہلے جیش محمد میں شامل ہوگیا اور ابھی تک گرفت سے باہر ہے۔این آئی اے کو بہت سارے لنک مل گئے ہیں ۔تفتیش میں مزید مدد گار ثابت ہو سکتیں ہیں
این آئی اے کے ایک سینئر عہدیدار نے بتایا کہ اس سازش میں ملوث دہشت گردوں کی ہلاکت کے باوجود یہ سوال باقی ہے کہ اتنی بڑی مقدار میں دھماکہ خیز مواد کہاں سے لائے گئے اور حملہ آوروں تک نیم فوجی دستوں کے قافلے کی نقل وحرکت کے بارے میں اتنی درست معلومات حملہ آوروں کے پاس کیسے پہنچی ظاہر ہے اس میں بہت سارے ایسے افراد شامل ہوں گے جو براہ راست دہشت گردی کی سرگرمیوں میں ملوث نہیں تھے۔ بغیر کسی ثبوت یا گواہ کے ایسے لوگوں تک پہنچنا ممکن نہیں تھا۔ لیکن اب اسے بڑی کامیابی ملی ہے۔ پلوامہ حملے کی شازش سے متعلق کچھ ایسی کڑیاں ملی ہیں ، جو اس پورے معاملے کو بے نقاب کرنے میں مددگار ثابت ہوسکتیں ہیں۔ لیکن این آئی اے نے ان کڑیوں کے بارے میں کچھ بھی بتانے سے انکار کردیا۔
کوئی تبصرے نہیں:
ایک تبصرہ شائع کریں