حیدرآباد(یواین اے نیوز 10فروری2020) گریٹر حیدر آباد میونسپل کارپوریشن(جی ایچ ایم سی)ملک کی پہلی کارپوریشن بن گئی جس نے شہر بیت ترمیمی قانون، این آری سی اور این پی آر پرعمل کے خلاف قرارداد منظور کیا۔ یہ قرارداد کارپوریشن کے جنرل باڈی اجلاس میں منظور کی گئی ۔ یہ اجلاس کارپوریشن کے بجٹ کی منظوری کے لئے منعقد کیا گیا تھا۔ ڈپٹی مئیر بابا فصیح الدین نے کہا کہ مرکزی حکومت کا منصوبہ سی اے اے، این آرسی اور این پی آر پر عمل کا ہے جو دستور اور جمہوریت کے خلاف ہے۔ سابق میئر محمد ماجد حسین نے بھی اسی طرح کا خیال ظاہر کرتے ہوئے کہا کہ تلنگانہ کے وزیراعلی کے چندر شیکھر راونے پہلے ہی اس کی مخالفت میں اپنی رائے ظاہر کی اور کہا کہ تلنگانہ اسمبلی میں اس کے خلاف قرارداد منظور کی جائے گی۔
اس موقع پر میر جی ایچ ایم سی بی رام موہن نے کہا کہ تلنگانہ سیکولر ریاست ہے اور تلنگانہ حکومت سیکولر ہے۔ انہوں نے کہا کی سی اے اے، این آرسی اور این پی آر کے خلاف دیگر ریاستوں کے لئے مثال قائم کرتے ہوئے وزیر اعلی نے منصوبہ بنایا ہے۔ انہوں نے کہا ہم جی ایچ ایم سی کی حدود میں این آرسی اور این پی آر سے متعلق کسی بھی قسم کے کام کا آغاز نہیں کریں گے۔قبل ازیں مجلس کے کارپوریٹرس نے سی اے اے، این آرسی اور این پی آر کے خلاف قرارداد منظور کرنے پر زور دیا تھا۔
کوئی تبصرے نہیں:
ایک تبصرہ شائع کریں