نئی دہلی(یواین اے نیوز 29جنوری2020) آل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی نے بی جے پی کے رہنما انوراگ ٹھاکر کے 'گولی مارو' کے بیان پر جوابی حملہ کیا ہے۔ اسدالدین اویسی نے ممبئی میں ایک پروگرام کے دوران اسٹیج پر انوراگ ٹھاکر کے بیان کو براہ راست چیلنج کیا کہ میں آپ کو چیلنج کرتا ہوں کہ آپ مجھے ہندوستان میں وہ جگہ بتائیں جہاں آپ مجھے گولی مار دیں گے،میں آنے کو تیار ہوں۔ اویسی نے یہ بیان ممبئی کے ناگپاڑا کے جھولا میدان میں منعقدہ پروگرام کے دوران دیا۔اسدالدین اویسی نے کہا ، "میں انوراگ ٹھاکر کو چیلنج کرتا ہوں ، مجھے ہندوستان میں وہ جگہ بتاؤ جہاں آپ مجھے گولی مار دیں گے اور میں آنے کو تیار ہوں۔
" آپ کا بیان مجھ میں کسی قسم کا خوف پیدا نہیں کرے گا ، کیونکہ ہماری والدہ اور بہنیں بڑی تعداد میں سڑک پر ہیں اور انہوں نے ملک کو بچانے کا فیصلہ کرلیا ہے۔آپ کو بتادیں کی دو روز پہلے ریٹھالا سے بی جے پی کے امیدوار منیش چودھری کی حمایت میں منعقدہ ایک جلسہ عام میں ، انوراگ ٹھاکر نے انتخابی ریلی میں لوگوں کو اشتعال انگیز نعرہ 'دیش کے غداروں کو گولی مارو سالوں کو' کے نعرے لگانے کے لئے اکسایا تھا۔ جس کے بعد یہ معاملہ سیاسی طور پر بڑھ گیا ہے۔ منگل کو الیکشن کمیشن نے مرکزی وزیر انوراگ ٹھاکر کو نوٹس جاری کیا۔ کمیشن نے ان سے جمعرات کی سہ پہر تک اپنا جواب داخل کرنے کو کہا ہے۔
اویسی نے منگل کو ٹویٹ کرکے اس معاملے پر حملہ کیا۔ ویڈیو وائرل ہونے کے بعد ، اے آئی ایم آئی ایم کے رہنما اسد الدین اویسی نے کہا ، "ٹھاکر کا کام ایک ایسی معیشت کو ٹھیک کرنا ہے جو ہر روز ریکارڈ توڑ کمی کا شکار ہے ، لیکن یہاں وہ ہٹلر کے وزیر خزانہ والتھر فنک کی طرح برتاؤ کر رہے ہیں جس کو بعد میں جنگی کوششوں اور جنگی جرائم کی سزا دی گئی تھی۔ ٹھاکر یہ بھی کہہ سکتے ہیں کہ ' کتنے آدمی تھے' اور صاحب خوش ہوجائیں۔
کوئی تبصرے نہیں:
ایک تبصرہ شائع کریں