الہ آباد (یواین اے نیوز20جنوری2020) کیرالہ کے سابقہ آئی اے ایس افسر کنن گوپناتھن جیسے ہی پریاگراج کے ہوائی اڈے پر پہنچے تو انہیں حراست میں لے لیا گیا۔ اتوار کے روز پولیس نے ان کے بارے میں معلومات دی۔ گوپیناتھن ہفتے کے روز دہلی سے یہاں آل انڈیا پیپلز فورم کے زیر اہتمام 'شہریت کو بچانے ، آئین کو بچانے ، جمہوریت کو بچانے' کے موضوع پر منعقدہ دو گھنٹے کے سیمینار سے خطاب کرنے کے لئے دہلی سےیہاں پہنچے تھے۔ گوپناتھن کے ٹویٹ کرنے کے بعد انہیں ایئرپورٹ سے باہر جانے سے روکنے کے لئے ، ان کی نظربندی کا معاملہ سامنے آیا۔سابق آئی اے ایس افسر نے کہا ، 'جیسے ہی میں اپنی پرواز سے نکل کر باہر نکلنے کےلئیے گیا۔
دس پولیس والے میرے پاس آئے اور مجھ سے میری شناخت پوچھی۔ جب میں نے انہیں اپنا نام بتایا تو وہ مجھے وی آئی پی لاؤنج میں لے گئے اور اس کے بعد مجھے وہاں سے سیکیورٹی روم میں لے جایا گیا۔انہوں نے مزید کہا ، 'پولیس نے مجھ سے الہ آباد چھوڑنے کے بعد میرے منصوبوں کے بارے میں پوچھا اور جب میں نے انہیں بتایا کہ مجھے ہفتے کی رات کو دہلی سے بوکارو کے لئے فلائٹ لینا ہے ، تو انہوں نے مجھے دہلی واپسی کی پرواز پر روانہ کیا۔ آپ کو بتادیں کہ گوپناتھن اس وقت سرخیوں میں آئے جب انہوں نے دفعہ 370 کی منسوخی کے بعد اپنی خدمات سے استعفیٰ دے دیا تھا۔ اس وقت ، انہوں نے اسے جموں وکشمیر کے عوام کے بنیادی حقوق کی خلاف ورزی قرار دیاتھا۔
کوئی تبصرے نہیں:
ایک تبصرہ شائع کریں