جونپور،عارف حسینی(یواین اے نیوز11جون2020) بھدیٹھی معاملے میں ایس پی ضلعی صدر نے جون پور پولیس کے تشدد کے خلاف سخت رویہ ظاہر کیا۔ سماج وادی پارٹی کے ضلعی صدر لال بہادر یادو نے کہا کہ بھدیٹھی گاؤں میں بچوں کے معمولی تنازعہ کو بھاجپا ،فرقہ وارانہ رنگ دے رہی ہے ، جبکہ پولیس اہلکار ملزم کے علاوہ بستی کے دیگر لوگوں کے گھروں میں داخل ہوکر بربریت کا مظاہرہ کررہی ہے۔اور کچھ گھروں میں دروازے توڑ کر گھر میں داخل ہوگئے۔ اور خواتین اور بچوں کے ساتھ بد سلوکی کی۔ چھ سے زیادہ بوڑھے لوگ اپنے دروازے پر چارپائی لگا کر گہری نیند میں سو رہے تھے ، جن کا اس واقعے سے کوئی لینا دینا نہیں تھا۔پولس نے انہیں بھی تھانے لے گئی۔
گاؤں کے بیشتر لوگ گاؤں چھوڑ کر فرار ہوگئے ہیں۔ خواتین چھوٹے بچوں کا۔ باہر نکلنا مشکل ہوگیا ہے۔جانور بھوک پیاس سے دوچار ہیں۔ گاؤں کے ایک گھر میں موت ہوگئی تھی،میت کو دفنانے کے لئیے لوگ جمع تھے،وہاں پر پولس پہنچ کر تانڈو کیا، جس کی وجہ سے دور دراز علاقوں سے خواتین اور بچوں کا گھر سے نکلنا مشکل ہوگیا۔ اس معاملے میں ، پولیس اب تک 50 سے زائد افراد کو جوکہ مسلم فریق سے ہیں گرفتار کر چکی ہے اور ان کو سنگین الزامات میں چالان کر جیل بھیج چکی ہے۔
مسلم اطراف سے تعلق رکھنے والے افراد کے چار بچے شدید زخمی ہوئے ہیں جن کا ڈسٹرکٹ اسپتال میں زیر علاج ہے ، لیکن پولیس نے ایک طرف معاملہ درج کرلیا ہے اور دوسرے فریق کا ایف آئی آر درج نہیں کررہے ہیں۔وہیں دوسری طرف مسلمانوں پر انتظامیہ یک طرفہ کارروائی کرتے ہوئے سنگین دھارائیں لگارہی ہے۔سماج وادی پارٹی ان لوگوں کو برداشت نہیں کرے گی جن کو بے گناہ اور جعلی مقدمات میں پھنسا رہے ہیں ، اگر انصاف کو صحیح طریقے سے انجام نہ دیا گیا تو ہم خاموش نہیں بیٹھیں گے۔
کوئی تبصرے نہیں:
ایک تبصرہ شائع کریں