نئی دہلی(یواین اے نیوز 14مارچ2020)دہلی کے شمال مشرقی علاقے میں تشدد کے دوران جاں بحق ہونے والے انٹلیجنس بیورو کے ملازم انکیت شرما کی پوسٹ مارٹم کی رپورٹ سےانکشاف ہوا ہے۔ پوسٹ مارٹم رپورٹ کے مطابق ان کے جسم پر مجموعی طور پر 51 چوٹوں کے نشانات ملے ہیں۔
ان میں سے 12 نشانات چاقو کے ملے ہیں۔ انکیت شرما کی ٹانگوں ، سینے ، پیٹھ اور کمر پر شدید چوٹیں پائی گئیں ہیں۔ لیکن اس سے قبل ، میڈیا میں یہ غلط خبریں چلائی گئیں کہ انکیت شرما کے جسم پر چاقو سے 400 بار وار کیا گیا۔پوسٹ مارٹم رپورٹ کے مطابق ، انکت شرما کے جسم پر 6 کٹ کے نشانات ہیں ، جبکہ 33 گھاؤ کے نشان ہیں ، جس سے پتہ چلتا ہے کہ انہیں لاٹھی اور ڈنڈوں سے بھی نشانہ بنایا گیا تھا۔ انکیت کے سر پر کوئی بھاری چیز لگی تھی۔ اس رپورٹ میں انکشاف ہوا ہے کہ ان کے جسم پر سب سے زیادہ سرخ ، جامنی اور نیلے رنگ کے نشانات پائے گئے ہیں۔ یہ اہداف زیادہ تر پیروں ، تھائی اور کندھوں کے قریب ہیں۔
انکیت شرما کے قتل کا الزام عام آدمی پارٹی کے کونسلر طاہر حسین پر لگا ہے۔ طاہر حسین کے خلاف قتل ، آتش زنی اور تشدد کا مقدمہ درج کیا گیا ہے۔ دہلی پولیس نے چاند باغ اور کھجوری خاص فیکٹری، طاہر حسین کے گھر کو سیل کردیا ہے قابل غور بات یہ ہے کہ انٹلیجنس بیورو کا ملازم انکیت شرما شمال مشرقی دہلی میں اپنے کنبے کے ساتھ رہتا تھا۔انکیت شرما کی لاش چاند باغ میں 26 نومبر کو نالے سے ملی تھی۔
کوئی تبصرے نہیں:
ایک تبصرہ شائع کریں