لکھنؤ(یواین اے نیوز 13فروری2020) یوپی قانون ساز اسمبلی کا بجٹ اجلاس آج شروع ہوتے ہی حزب اختلاف کے اراکین اسمبلی نے CAA-NRC اور NPR کے معاملے پر ہنگامہ کھڑا کردیا۔ ایس پی-بی ایس پی کے ایم ایل اے نے پوسٹر بینر لگا کر احتجاج کیا۔ اپوزیشن کے ایم ایل اے نے ویل میں نعرے بازی کی۔ اسی دوران کانگریس کے ممبران اسمبلی نے اسمبلی گیٹ پر مظاہرہ کیا۔ انہوں نے اپنے ہاتھوں میں پلے کارڈز رکھے ہوئے تھے ، جس پر لکھا ہوا تھا کہ حکومت کسان اور خواتین مخالف ہے۔ انہوں نے حکومت سے شہریت کے قانون کو واپس لینے کا مطالبہ بھی کیا،کانگریس کے ارکان اسمبلی کا کہنا ہے کہ حکومت اصل امور سے توجہ ہٹانے کے لئے شہریت کا قانون لائی ہے۔اپوزیشن کے ارکان اسمبلی نے بھی گورنر کے خطاب میں ہنگامہ برپا کردیا۔
جیسے ہی گورنر آنندی بین پٹیل اپنا خطاب پڑھنے کے لئے اٹھیں ،سماج وادی پارٹی کے ممبران ایوان کے وسط میں احتجاج کرنے گئے اور کچھ وہاں بیٹھے رہے۔ ان میں سے کچھ ارکان اسمبلی نے CAA ، NRC کے خلاف پلے کارڈ اٹھا رکھے تھے۔ کچھ ایم ایل اے اپنی پیٹھ پر گیس سلنڈر کا لوگو لے کر پہنچے۔ ایوان میں وزیر اعلی یوگی آدتیہ ناتھ موجود تھے۔سماج وادی اور کانگریس کے کچھ ایم ایل اے اسمبلی کے باہر احتجاج کر رہے تھے۔ مہنگائی کے خلاف مظاہرہ کرتے ہوئے کانگریس کے کچھ ایم ایل اے رکشوں میں ٹماٹر بانٹتے ہوئے دیکھے گئے۔آپ کو بتادیں کہ اتر پردیش حکومت کا سالانہ بجٹ منگل کو اسمبلی میں پیش کیا جائے گا۔
اسمبلی میں حزب اختلاف کی جماعت کے رہنما ، سماج وادی پارٹی کے رامگووند چودھری نے کہا ، "بی جے پی (بھارتیہ جنتا پارٹی) کی حکومت نے اب تک اپنا کوئی کام نہیں کیا ہے۔ صرف اکھلیش یادو کے دور میں ہوئے کاموں کا افتتاح کیا جارہا ہے۔" حکومت نے ایسی کوئی عمارت نہیں بنائی جو 25 فٹ اونچی ہو ، وہ اس کے بارے میں کوئی معلومات نہیں دے سکتے۔گورنمنٹ پرائیویٹ لمیٹڈ لوگوں کی مدد کر رہی ہے اور نجکاری پر زور دے رہی ہے۔ کب تک گمراہ کیا جائے گا
اہم بات یہ ہے کہ یہ اسمبلی 13 فروری سے 7 مارچ تک چلے گا۔ پہلے دن ، گورنر آنندین پٹیل نے صبح 11 بجے دونوں ایوانوں کی مشترکہ نشست سے خطاب کیا،اس خطاب پر 14 ، 17 ، 18 اور 19 فروری کو تبادلہ خیال کیا جائے گا۔ مالی سال 2020-21 کا بجٹ 18 فروری کی صبح 11 بجے پیش کیا جائے گا۔ اس دن ضابطہ 56 کے مقدمات نہیں لائے جائیں گے،بجٹ پر بحث 20 فروری سے شروع ہوگا۔ 24 ، 25 ، 26 ، 27 فروری کو عام بحث ہوگی۔
کوئی تبصرے نہیں:
ایک تبصرہ شائع کریں