جی ایس ٹی کے ڈپٹی کمشنر سنجے سنگھ نے خودکشی کرلی تفتیش میں جٹی نوئیڈا پولیس!
دہلی : اسماعیل عمران (یو این اے نیوز 10مارچ 2025)جی ایس ٹی کے ڈپٹی کمشنر سنجے سنگھ نے نوئیڈا میں واقع اپنی رہائش گاہ کی 15ویں منزل سے چھلانگ لگا کر خودکشی کر لی۔
پولیس نے پوسٹ مارٹم کے بعد ان کے جسم کو خاندان کے سپرد کر دیا۔ اس پورے معاملے کی تحقیقات میں نوئیڈا پولیس جٹی ہوئی ہے ،وہیں سنجے سنگھ کی بیوی اپرنا نے الزام لگایا کہ ان کے شوہر پر دفتر کی جانب سے ذہنی دباؤ ڈالا جا رہا تھا۔ وہ 10 سال قبل پروسٹیٹ کینسر کے مریض رہے تھے، لیکن اس وقت ایک عام زندگی گزار رہے تھے۔
اپرنا کا کہنا تھا کہ ان کے شوہر کو اضافی چارج کی وجہ سے ذہنی دباؤ کا سامنا تھا، اور وہ اپنی ذمہ داریوں سے پریشان تھے۔ ان کے چچازاد بھائی نے بھی کہا کہ سنجے دفتر کے دباؤ کی وجہ سے مشکلات کا سامنا کر رہے تھے۔
حکومتی افسران کی جانب سے کی جانے والی سختی کی وجہ سے اسٹاف میں پریشانی اور ذہنی دباؤ کے معاملے زیادہ بڑھ رہے ہیں ، جس میں کہا جا رہا ہے کہ نظام میں اصلاحات کی ضرورت ہے۔
سنجے سنگھ کی فیملی میں ان کی بیوی اور دو بیٹے شامل ہیں، جن میں بڑا بیٹا گڑگاؤں میں نوکری کر رہا ہے، جبکہ چھوٹا بیٹا گریٹر نوئیڈا کی شاردہ یونیورسٹی میں پڑھائی کر رہا ہے۔
کوئی تبصرے نہیں:
ایک تبصرہ شائع کریں