خدمت خلق کے لیے عزم مصمم کے ساتھ اٹھ کھڑے ہونے کی ضرورت : مفتی نبیل اختر
پوٹھیا، کشن گنج ۱۸؍ مارچ (نامہ نگار) مدرسہ جامع العلوم چھترگاچھ بازار میں جمعیۃ علماء پوٹھیا بلاک کی میٹنگ کا انعقاد عمل میں آیا۔ جس کی صدارت مولانا الیاس مخلص صدر جمعیۃ علماء ضلع کشن گنج نے فرمائی، فیصل زاہد الرحمن نائب صدر جمعیۃ علماء ضلع کشن گنج رہے اور نظامت کا فریضہ مولانا آفتاب اظہرؔ صدیقی نے انجام دیا۔ چیف گیسٹ کے طور پر مولانا حبیب الرحمن صدر مدرسہ تجوید القرآن کشن گنج، مولانا نور الزماں رحمانی امام و خطیب جامع مسجد بیلوا اور ماسٹر سفیر الدین راہی سرپرست اوریکل انٹرنیشنل اسکول چکلہ کشن گنج موجود رہے۔ مولانا عبدالماجد قاسمی راہی (مجلس علمائے ملت) نے میزبانی کا فریضہ انجام دیا۔مولانا مرغوب الرحمن امام و خطیب جامع مسجد چھترگاچھ نے تلاوت کلام اللہ سے میٹنگ کا آغاز کیا۔ محمد مکرم متعلم مدرسہ جامع العلوم نے نعتیہ اشعار پیش کیے۔ میٹنگ میں جمعیۃ علماء ضلع کشن گنج کو متحرک اور فعال بنانے پر غور وخوض کیا گیا نیز قرآن کریم کے خلاف زہر اگلنے والے وسیم رضوی کی مذمت کی گئی۔ ساتھ ہی جمعیۃ علماء پوٹھیا بلاک کا انتخاب نو عمل میں آیا۔ جس میں سرپرست کے طور پر مفتی نوازش علی مہتمم مدرسہ جامع العلوم چھترگاچھ کا انتخاب ہوا جبکہ صدر مولانا و مفتی نبیل اختر ہلداگاؤں، نائب صدور مولانا شکیل الرحمن ندوی رتوا و مولانا مرغوب الرحمن چھترگاچھ کو منتخب کیا گیا۔ جنرل سکریٹری مولانا نور الحق ، سکریٹری مولانا تنویر چھترگاچھ و مولانا نسیم الحق قاسمی گیراماری کو اورخازن حافظ محمد طارق چھترگاچھ کو بنایاگیا۔ ان کے علاوہ متحرک ارکان میں مولانا انوار الحق، حافظ شہباز، مولانا شکیل، حافظ محفوط، حافظ زبیر، مولانا رئیس احمد، مفتی افتخار الحق، قاری شہباز انجم اور قاری انظر جمال کے نام درج کیے گئے۔ میٹنگ میں موجود حافظ طارق انور، قاری محمد اولین اور مولاشمیم ریاض ندوی محرک مجلس علمائے ملت کشن گنج کے نام قابل ذکر ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئی تبصرے نہیں:
ایک تبصرہ شائع کریں