کلکتہ ۔(یو این اے نیوز 5اکتوبر 2020) اتوار کی رات مغربی بنگال کے شمالی چوبیس پرگنہ ضلع میں بی جے پی رہنما منیش شکلا کو نامعلوم شرپسندوں نے گولی مار کر ہلاک کردیا۔ شکلا کو ضلع کے ٹیٹہ گڑھ پولیس اسٹیشن کے سامنے گولی مار کر قتل کردیا گیا ، جس کے بعد یہاں تناؤ کے حالات برقرار ہیں۔
اس موقع کی سنگینی کو دیکھتے ہوئے آدھی رات سے یہاں پولیس کی ایک بڑی تعداد تعینات کردی گئی ہے۔ اسی کے ساتھ ہی بی جے پی نے ریاست کے بیرک پور میں بھی بند کا مطالبہ کیا ہے۔ اس معاملے کو سنجیدگی سے لیتے ہوئے ، گورنر جئے دیپ دھن کھڑ نے ریاست کے ڈی جی پی سمیت تمام عہدیداروں کو پیر کو راج بھون طلب کیا ہے ۔تاکہ امن و امان کے معاملے پر بات کی جاسکے۔
ٹیٹہ گڑھ پولیس اسٹیشن کے سامنے ماری گئی گولی
بتایا جارہا ہے کہ منیش شکلا اتوار کی شب ساڑھے آٹھ بجے تیٹہ گڑھ پولیس اسٹیشن کے سامنے پارٹی کے دفتر میں بیٹھے تھے۔ اسی دوران وہاں پہنچے دو موٹرسائیکل سواروں نے ان پر فائرنگ کردی۔ اس حملے میں شدید زخمی منیش کو پہلے بیرک پور کے بی این بوس اسپتال پہنچایا گیا۔ یہاں تشویشناک حالت دیکھ کر اسے اپولو اسپتال بھیجا گیا۔ جہاں ڈاکٹروں نے اسے مردہ قرار دے دیا۔ اس واقعے میں ایک نوجوان شدید طور پر بھی زخمی ہوا ہے۔ مغربی بنگال بی جے پی نے واقعے کے خلاف احتجاج کے لئے بیرک پور میں 12 گھنٹے کے بند کا مطالبہ کیا ہے۔
سی بی آئی سے کرائی جائے اس معاملے کی جانچ
بی جے پی رہنما کیلاش وجئے ورگیہ نے اس معاملے کی سی بی آئی جانچ کا مطالبہ کیا ہے۔ اسی کے ساتھ ہی ، پولیس اب منیش شکلا کا پوسٹ مارٹم کراکر اپنی جانچ کا دائرہ بڑھا رہی ہے ، مغربی بنگال بی جے پی کے جنرل سکریٹری سنجے سنگھ نے اس واقعے کے بارے میں ممتا بنرجی حکومت سے سوال اٹھایا ہے۔ ساتھ ہی انہوں نے بیرک پور میں باضابطہ طور پر بند کے مطالبہ کے بارے میں بھی اطلاع دی
کوئی تبصرے نہیں:
ایک تبصرہ شائع کریں