پوری امانت داری کے ساتھ ادا کرونگا جرمانہ،اگر عدالت عظمی کا کوئی اور بھی فیصلہ ہوتا تو میں ضرور مانتا ،پرشانت بھوشن

نئی دہلی۔ توہین عدالت کے معاملہ میں سینئر وکیل پرشانت بھوشن کے خلاف سپریم کورٹ نے سزا کا اعلان کر دیا ہے۔ کورٹ نے پرشانت بھوشن پر ایک روپئے کا جرمانہ لگایا ہے۔ عدالت نے کہا کہ پرشانت بھوشن نے اگر15 ستمبر تک جرمانہ نہیں بھرا تو انہیں 3 مہینے کی جیل کی سزا ہو گی۔ ساتھ ہی 3سال کے لئے ان کو عدالت میں بطور وکیل کام کرنے  پر روک لگا دی جائے گی۔ اس درمیان خبر ہے کہ سپریم کورٹ کی سزا پر پرشانت بھوشن شام  کے وقت پریس کانفرنس کی ۔کہا پوری امانت داری کے ساتھ جرمانہ ادا کرونگا

توہین عدالت کا یہ معاملہ موجودہ اور سابق چیف جسٹس کے بارے میں پرشانت بھوشن کے متنازعہ ٹویٹ سے متعلق ہے۔ 14؍اگست کو عدالت نے ان ٹویٹ پر پرشانت بھوشن کی وضاحت کو تسلیم نہ کرتے ہوئے انہیں توہین عدالت کا مجرم قرار دیا تھا۔ عدالت نے بھوشن کو بغیر شرط معافی مانگنے کے لئے وقت دیا تھا، لیکن انہوں نے معافی مانگنے سے انکار کر دیا تھا۔

واضح رہے کہ معروف وکیل پرشانت بھوشن نے سپریم کورٹ سے کہا تھا کہ انہیں توہین عدالت کے معاملہ میں سزا ملنے کا ڈر نہیں ہے۔ انہوں نے کہا تھا کہ انہیں عدالت سے رحم نہیں چاہئے، جو بھی سزا ملے گی اس کے لئے وہ تیار ہیں۔

پرشانت بھوشن نے کہا تھا کہ میرے ٹویٹ ایک شہری کے طور پر میرے فرائض کی تکمیل کی کوشش تھے۔ اگر میں تاریخ کے اس موڑ پر نہیں بولتا تو میں اپنے فرائض میں ناکام ہوتا۔ مجھے کوئی بھی سزا قابل قبول ہے۔ بابائے قوم مہاتما گاندھی کا ذکر کرتے ہوئے63 سالہ  پرشانت بھوشن نے کہا تھا۔ ’میں رحم نہیں مانگ رہا۔ میں رحمدلی کی اپیل نہیں کرتا۔ عدالت جو بھی سزا دے گی وہ مجھے خوشی خوشی قبول ہے، سزا کے اعلان کے بعد برشانت نے ٹویٹ کیا ،میرے وکیل نے کیا ایک روپے کا تعاون