پاکستان ۔(یو این اے نیوز 28مارچ 2020) اسلام آباد: بھارہ کہو کے علاقے میں تبلیغی جماعت کے 6 افراد میں کورونا کی تصدیق ہوگئی ہے۔ اے ایس پی بھارہ کہو حمزہ امان اللہ کے مطابق کوٹ ہتھیال میں 6 غیر ملکیوں سمیت 13 لوگوں کی جماعت تبلیغ پر تھی، جماعت میں شامل پہلے ایک غیر ملکی میں وائرس کی تصدیق ہوئی تھی، جس کے بعد جماعت میں شامل 5 مزید افراد کا ٹیسٹ کیا گیا جو مثبت آیا،
جماعت میں شریک باقی 6 افراد کے بھی ٹیسٹ کروائے جا رہے ہیں جن کی رپورٹ آنا باقی ہے۔اے ایس پی بھارہ کہو کا کہنا ہے کہ تبلیغی جماعت کے افراد میں کورونا کی تصدیق کے بعد کوٹ ہتھیال کے خارجی و داخلی راستوں پر پولیس تعینات کر دی گئی ہے اور پورے علاقے کو قرنطینہ میں بدل دیا گیا ہے، علاقے میں دودھ، سبزی، بیکری کے علاوہ باقی دکانیں بند کروا دی گئی ہے،
نیوز ایکسپریس شائع خبر کے مطابق ضلعی انتظامیہ اہل علاقہ کے ٹیسٹ کروائے گی اور ضلعی انتظامیہ کے احکامات کا انتظار ہے جس کے بعد بھارہ کہو بازار بھی بند کریں گے۔
کوئی تبصرے نہیں:
ایک تبصرہ شائع کریں