حیدرآباد (یواین اے نیوز13جنوری2020)حیدرآباد کے رکن پارلیمنٹ اسدالدین اویسی نے دہلی کے شاہین باغ علاقے میں شہریت کے قانون کے خلاف جاری احتجاج کے بارے میں ایک بڑا بیان دیا ہے۔ انہوں نے پیر کو کہا کہ میں ان خواتین کو سلام پیش کرتا ہوں جو اس قانون کے خلاف سڑکوں پر مستقل احتجاج کر رہی ہیں۔ انہوں نے انکی کارکردگی کے بارے میں ایک ٹویٹ بھی کیا۔ انہوں نے لکھا کہ کڑاکے کی سردی میں ، شاہین باغ میں خواتین سی اے اے ، این آر سی اور این پی آر کے خلاف احتجاج کر رہی ہیں۔ ہم ان کو سلام پیش کرتے ہیں۔انہوں نے اجتماع سے خطاب کرتے ہوئے کہا، میں ان خواتین کو سلام پیش کرتا ہوں جو اس قانون کی مخالفت کر رہی ہیں ، دن رات کھلے آسمان کے نیچے چار سے پانچ ڈگری کے ٹھنڈ میں بیٹھ کر احتجاج کررہی ہیں۔ انہوں نے کہا کہ وزیر اعظم کو یہ قانون واپس لینا چاہئے۔ اویسی نے اپنے خطاب میں اشاروں ہی اشاروں میں جے این یو میں ہونے والے تشدد کا بھی ذکر کیا۔ انہوں نے کہا کہ ملک کے وزیر اعظم کو اس لڑکی سے ملنا چاہئے تھا ،جس کے سر پر مار پڑنے کی وجہ سے کئی ٹاکے آ ئے تھے۔
وزیر اعظم کو علی گڑھ مسلم یونیورسٹی کے ایک ایسے طالب علم سے بھی ملنا چاہئے تھا جو اپنا ہاتھ کھو بیٹھا تھا۔ ان طلباء سے ملیں اور کہیں کہ آپ سب میرے اپنے بچے ہیں۔ لیکن وہ ایسا نہیں کرسکتے۔میں آپ کو بتادوں کہ یہ پہلا موقع نہیں ہے جب اسد الدین اویسی نے شہریت کے قانون سے متعلق وزیر اعظم یا مرکزی حکومت کو نشانہ نہ بنائےہوں۔ اس سے قبل ، آل انڈیا مجلس اتحاد المسلمین (اے آئی ایم آئی ایم) کے صدر اسد الدین اویسی نے جمعہ کو یہ الزام لگایا تھا کہ بی جے پی اور قومی جمہوری اتحاد (این ڈی اے) کی حکومت نے ان کے ذریعہ ترمیم شدہ شہریت قانون (سی اے اے) کے بارے میں الجھن پیدا کردی ہے۔ اور مذہب کے نام پر امتیازی سلوک کیا جارہا ہے ان سے پوچھا گیا کہ کیا سی اے اے کے بارے میں "افواہوں" کو دور کرنے کی ضرورت ہے کیونکہ حکومت کی واضح یقین دہانی کے باوجود کہ ہندوستانی مسلمانوں کے ساتھ کچھ نہیں ہوگا ، بہت سارے مسلمانوں کا دعویٰ ہے کہ انہیں "باہر" کردیا جائے گا۔
اویسی نے کہا کہ حکومت کیوں نہیں کہتی کی آسام میں ، جہاں این آر سی نافذ کیا گیا تھا ، آپ سی اے اے کے ذریعے تقریبا 5. 5.40 لاکھ بنگالی ہندوؤں کو شہریت دے رہے ہیں۔ آپ آسام میں پانچ لاکھ مسلمانوں کو شہریت نہیں دیں گے۔ انہوں نے کہا ، "یہ افواہ ہے یا حقیقت؟ حکومت کو بتانا چاہئے۔ حکومت پر گمراہ کن الزام لگاتے ہوئے انہوں نے کہا ،" آپ امتیازی سلوک کررہے ہیں۔ آپ مذہب کی بنیاد پر قانون بنا رہے ہیں اور پھر شکایت بھی کررہے ہیں۔
سی اے اے کے خلاف احتجاج کے دوران ہونے والے تشدد کے بارے میں پوچھے جانے پر اویسی نے کہا کہ وہ اس طرح کے تشدد کی مذمت کرتے ہیں ، خواہ وہ لکھنؤ ، احمد آباد ، بنگلورو میں ہو یا کہیں اور۔ اے آئی ایم آئی ایم رہنما کا کہنا تھا کہ انہوں نے احتجاج کرنے کے آئینی حق کا استعمال کرنے کی ہر ایک سے اپیل کی ہے ، لیکن تشدد کی مذمت سب کو کرنی چاہئے۔ جب ہفتے کے روز یہاں ایم آئی ایم آئی ایم اور دیگر کے زیر اہتمام سی اے اے کے خلاف ریلی کے بارے میں پوچھا گیا تو انہوں نے کہا کہ سی اے اے "کالا قانون" ہے اور یہ بھی "غیر آئینی" ہے۔
کوئی تبصرے نہیں:
ایک تبصرہ شائع کریں