بنگال(یواین اے نیوز11جنوری2020)وزیر اعظم نریندر مودی اپنے طئے شدہ پروگرام کے تحت بنگال پہنچے جہاں انہیں ائیرپورٹ کے باہر ہی مظاہرین کا سامنا کرنا پڑا،عوام اپنے ہاتھوں میں گو بیک مودی کے پوسٹر لئیے کھڑے تھے۔ سیکڑوں مظاہرین نے کولکتہ ایئرپورٹ کے باہر اور ریاست کے مختلف حصوں میں احتجاج کیا۔ یوتھ کانگریس کے کارکنان نے کولکتہ ایئر پورٹ کے باہر جمع ہوکر مودی کے خلاف نعرے لگائے اور مطالبہ کیا کہ انہیں شہر میں اترنے کی اجازت نہیں دی جانی چاہئے۔ ایس ایف آئی کے کارکن ، یادو پور یونیورسٹی ، گول پارک ، کالج اسٹریٹ ، ہاتب بگان اور ایسپلانڈ کے قریب جمع ہوئے۔
طلباء نے اپنے ہاتھوں میں فاشزم' کے نعروں پوسٹر لئے ہوئے کھڑےتھے۔نظرثانی شدہ شہریت ایکٹ (سی اے اے) کے خلاف مظاہروں کے درمیان وزیر اعظم نریندر مودی ایئر پورٹ کے باہر دو روزہ دورے پر یہاں پہنچے۔ مودی کو گورنر جگدیپ دھن کھڑ ، وزیر مملکت فرہاد حکیم ، بی جے پی کے مغربی بنگال یونٹ کے صدر دلیپ گھوش اور بی جے پی کے دیگر سینئر رہنماؤں نے استقبال کیا۔ مودی ہفتہ اور اتوار کو کولکتہ میں رہیں گے۔ وہ 12 جنوری کو کولکتہ پورٹ ٹرسٹ کی 150 ویں سالگرہ کے موقع پر تقریب میں شرکت کریں گے۔
ایس ایف آئی کے رہنما دیبراج دیو ناتھ نے کہا ، "ہم وزیر اعظم کے اس دورے کی مخالفت کرتے ہیں جو فرقہ وارانہ ترمیم شدہ شہریت قانون ، شہریوں کے قومی رجسٹر اور جواہر لال نہرو یونیورسٹی میں بھگوا طاقتوں کے حملوں کے پیچھے ہے۔" انہوں نے کہا ، "ہم مودی ، امیت شاہ اور دیگر بی جے پی قائدین کے اس دورے کے خلاف ہیں جو بنگال کے عوام کو تقسیم کررہے ہیں۔
کوئی تبصرے نہیں:
ایک تبصرہ شائع کریں