نم آنکھوں سے مکۃ المکرمہ کی قبرستان جنت المعلیٰ میں مفتی عبداللہ صاحب سپرد خاک!

نم آنکھوں سے مکۃ المکرمہ کی قبرستان جنت المعلیٰ میں مفتی عبداللہ صاحب سپرد خاک!

اعظم گڑھ٬مکہ المکرمہ،رپورٹ،ریحان اعظمی (یواین اے نیوز 30نومبر2017)ہندوستان کے مشہور عالم دین مولانا مفتی محمد عبداللہ صاحب پھولپوری رحمۃ اللہ علیہ کو بعد نماز عشاء مسجد الحرام میں لاکھوں کے مجمع نے نماز جنازہ پڑھی، جنازے کی نماز شیخ خالد الغامدی نے قریب ساڑھے سات بجےپڑھائی،اسکے بعد ایمبولینس کے ذریعہ جسد کو مکۃ المکرمہ کی قبرستان جنت المعلیٰ لے جایا گیا جہاں انہیں قریب سوا آٹھ بجے دفنایا گیا،مکہ سے اعظم گڑھ بمہور کے رہنے والے حافظ سلیم صاحب نے یواین اے نیوز کے نمائندے کو بتایا کہ اعظم گڑھ واطراف اضلاع کے کئی ہزار لوگ موجود تھے،آپ کو بتادیں کہ مولانا کا آبائی گاؤں اعظم گڑھ کے قصبہ پھولپور میں ہے،آپ مدرسہ عربیہ اسلامیہ بیت العلوم سرائے میر کے سابق ناظم اعلیٰ اور موجودہ سرپرست تھے،آپ مولانا عبد الغنی پھولپوری رحمۃ اللہ علیہ کے پوتے تھے،چارروز قبل عمرہ کرنے کی غرض سے مکۃ المکرمہ میں گئے ہوئے تھے اچانک آج صبح دل کا دورہ پڑا انکے صاحبزادگان نے انہیں فوری طور پر ہسپتال میں داخل کرایا،ہسپتال پہنچے پر ڈاکٹروں کی تمام کوشیش ناکام رہی،اور مولانا اپنے مالک حقیقی سے جاملے،انا للہ وانا الیہ راجعون،یہ خبر سن کر انکے اہل خانہ ہی نہیں بلکہ پورا خطۂ اعظم گڑھ غم میں ڈوب گیا،اور انکے گھر پر لوگوں کا تانتا بندھ گیا۔کئی بڑی ملی تنظیموں نے رنج وغم کا اظہار کیا ہے۔اللہ تعالیٰ سے دعاء ہے کہ مرحوم کو جنت الفردوس میں اعلی مقام عطا فرمائے آمین۔سعودی عرب میں مولانا کے تین صاحبزادے اور بیوی بھی عمرہ کرنے ساتھ گئے ہوئے تھے۔سعودی عرب میں رہ رہے،اعظم گڑھ وقرب جوار کے لوگ اور مفتی صاحب کے مریدین و معتقدین مکۃ المکرمہ میں نماز جنازہ پڑھی اسکے بعد جنت المعلیٰ پہنچ کر نم آنکھوں سے سپردِ خاک کیا۔