مشہور شیف علی احمد اسلم جنہوں نے دنیا کو چکن ٹکا مسالہ کی ترکیب بتائی، پیر کو انتقال کر گئے۔ ان کی عمر 77 برس تھی۔
نئی دہلی (یواین اے نیوز22دسمبر2022)یہ نسخہ بنانے کی کہانی بھی بہت دلچسپ ہے۔ کہا جاتا ہے کہ 1970 کی دہائی میں ایک گاہک نے ان سے چکن ٹِکا 'کم خشک' بنانے کی درخواست کی۔ کچھ ہی دیر میں اسلم نے وہ ڈش اس کے سامنے پیش کر دی۔ 'مسٹر علی' کے نام سے مشہور اسلم کی یہ ترکیب خاص طور پر برطانیہ کے ان لوگوں کو پسند آئی جو عموماً گرم مصالحہ نہیں کھاتے تھے۔
ان کی موت کے اعلان کے بعد ان کا شیش محل ریسٹورنٹ ان کے اعزاز میں 48 گھنٹے کے لیے بند کر دیا گیا ہے۔ مسٹر علی پاکستان میں پیدا ہوئے تھے لیکن جب وہ جوان تھے تو ان کا خاندان پاکستان سے گلاسگو شفٹ ہو گیا۔ خبر رساں ادارے اے ایف پی کو انٹرویو دیتے ہوئے علی نے کہا کہ اس ریسٹورنٹ میں پہلی بار چکن ٹکا مصالحہ بنایا گیا، ہم پہلے چکن ٹِکا بناتے تھے لیکن ایک دن ایک گاہک نے کہا کہ وہ اس کے ساتھ کچھ چٹنی لینا پسند کریں گے۔ یہ بہت خشک ہے میں نے اس گاہک کے ذائقے کے مطابق دہی، کریم اور کچھ مصالحے کے ساتھ ایک نئی ڈش بنائی ہے۔
کوئی تبصرے نہیں:
ایک تبصرہ شائع کریں