لندن(یواین اے نیوز27مئی2020)رافعہ ارشاد حجاب پہننے والی پہلی مسلمان خاتون ہیں جوبرطانیہ میں جج بن چکی ہیں۔ وہ جلد ہی مڈلینڈز میں ڈپٹی اٹارنی جنرل کا عہدہ سنبھالیں گی۔ 40 سالہ رافعہ ارشاد کا تعلق لیڈز سے ہے۔ایک برطانوی اخبار کو انٹرویو دیتے ہوئے ،رافعہ نے کہا کہ انہوں نے گیارہ سال کی عمر میں جج بننے کا خواب دیکھا تھا۔ لاء کالج انٹرویو کے وقت کنبہ کے افراد نے بھی ان سے حجاب اتارنے کو کہا تھا لیکن انہوں نے انکار کردیا۔
'میٹرو' نیوز کے مطابق رافعہ ارشد نے کہا'میں نوجوان مسلمانوں کو بتانا چاہتی ہوں کہ وہ جو سوچتے ہیں اس کو حاصل کرسکتے ہیں۔ میں اس بات کو قابل اعتماد بنانا چاہتی ہوں کہ معاشرے میں مختلف نظریات اور سوچ رکھنے والے لوگوں کے مسائل بھی سنے جائیں۔معاشرے کی سبھی عورتوں کے لئے یہ خاص طور پر مسلم خواتین کے لئے اہم ہے۔ میں خوش ہوں ، لیکن دوسرے لوگوں کے ساتھ اس کو شئیر کرکے مجھے جو خوشی ملی ہے وہ کہیں زیادہ ہے۔
انہوں نے کہا کہ یہ اتنا آسان نہیں تھا۔ میں اس پر کئی سالوں سے کام کر رہی تھی۔ جب میرے قریبی لوگوں نے کہا کہ حجاب پہننے سے کامیابی کے امکانات کم ہوجائیں گے،تب میں نے اس وقت بھی حجاب کو نہیں چھوڑا۔وہ پچھلے 15 سالوں سے بچوں کے قانون،جبری شادی ، خواتین کے خلاف نسلی امتیاز اور اسلامی قانون پر پریکٹس کررہی ہیں۔
کوئی تبصرے نہیں:
ایک تبصرہ شائع کریں