پٹیالہ(یواین اے نیوز 12اپریل2020)پنجاب کے ضلع پٹیالہ کے سانور میں سبزی منڈی کے باہر آج (اتوار کو) سکھوں مذہبی رہنماؤں نے پولیس پر حملہ کیا۔ یہ واقعہ صبح 6 بجےکا بتایا جارہا ہے۔ اس حملے میں متعدد پولیس اہلکار زخمی ہوئے ہیں۔ نہنگوں نے منڈی بورڈ کے ایک افسر کو بھی زخمی کردیا ہے۔موصولہ اطلاع کے مطابق ، نہنگ سکھوں نے پولیس پر تلوار سے حملہ کیا۔ انہوں نے ایک اے ایس آئی کا بازو کلائی سے کاٹادیا۔ اے ایس آئی کو پی جی آئی چندی گڑھ بھیج دیا گیا ہے۔ اس کی سرجری وہاں کی جارہی ہے۔دیگر زخمیوں کو مقامی اسپتال میں داخل کرایا گیا ہے۔ موصولہ اطلاع کے مطابق ، حملہ کے بعد نہنگ ایک گرودوارے میں چھپ گئے،پولیس انھیں ہتھیار ڈالنے کے لئے کہہ رہی ہے۔
پنجاب کے ڈی جی پی دنکر گپتا نے اس بارے میں ایک ٹویٹ میں کہا ، 'آج صبح ایک اندوہناک واقعہ پیش آیا ،جس میں پٹیالہ کے سبزی منڈی میں منڈی بورڈ کے ایک پولیس افسر اور منڈی بورڈ کے ایک افسر کو نہنگوں کے ایک گروپ نے زخمی کردیا۔ ہرجیت سنگھ ، اے ایس آئی ، جس کا ہاتھ کاٹا گیا تھا ، وہ پی جی آئی چندی گڑھ میں بھرتی ہے۔ میں نے پی جی آئی کے ڈائریکٹر سے بات کی ہے جس نے سرجری کے لئے پی جی آئی کا ٹاپ پلاسٹک سرجن مقرر کیا ہے۔ ابھی سرجری شروع ہوئی ہے۔ نہنگ گروپ کو گرفتار کرلیا جائے گا اور جلد ہی مزید کارروائی کی جائے گی۔
ایک اور ٹویٹ میں زخمی اے ایس آئی کے علاج معالجے کے بارے میں معلومات دیتے ہوئے ، ڈی جی پی نے کہا ، 'میں پی جی آئی کی جانب سے دیئے گئے مکمل تعاون کا شکرگزار ہوں۔ پی جی آئی کے ڈائریکٹر نے مجھے بتایا کہ یہ سرجری دو سینئر سرجنوں نے شروع کی ہے۔ وہ اپنی طرف سے ہر چیز کی کوشش کررہے ہیں۔ ہم سب واہگورو سے انکی مکمل صحت یابی کے لئے دعاگو ہیں۔
کوئی تبصرے نہیں:
ایک تبصرہ شائع کریں