نئی دہلی(یواین اے نیوز یکم اپریل 2020)آل انڈیا گورنمنٹ نرسز فیڈریشن نے حکومت ہند کو ایک خط لکھا ہے جس میں کورونا وائرس کے مریضوں کے علاج معالجے میں مصروف نرسوں کو مناسب سہولیات فراہم نہ کرنے کی شکایت کی گئی ہے۔ فیڈریشن نے کہا ہے کہ کورونا مریضوں کا علاج کرنے والے ڈاکٹروں کو ہوٹلوں میں نظربند کیا جارہا ہے جبکہ نرسنگ عملے کو نرسوں کے طلباء کے ہاسٹل میں منتقل کردیا گیا ہے جو پروٹوکول کے خلاف ہے۔ڈاکٹروں کے لئے ہوٹل کا انتظام کیا جارہا ہے اور ابھی تک نرسوں کے لئے کوئی بندوبست نہیں ہے۔
فیڈریشن نے کہا ہے کہ کورونا وائرس کے شکار افراد کا علاج کرنے والی نرسوں کے لئے سرکاری اسپتالوں میں پی پی ای کٹس دستیاب نہیں ہیں۔ جبکہ پی پی ای کٹ ڈاکٹروں کو دی جارہی ہے۔ نرسوں سے کہا جاتا ہے کہ وہ ایچ آئی وی حفاظتی کٹ پہن کر علاج کریں جو لینن کپڑے کا ہے۔ عملے کے لئے یہ بہت خطرناک ہے۔
نرسوں نے کہا ہے کہ دہلی حکومت کہہ رہی ہے کہ اگر آپ مسلسل 14 دن تک آئی سی یو میں کام کریں گے تو 14 دن کی چھٹی دی جائے گی۔زیادہ دن کام کرنے سے نرسوں پر بیماری کا خطرہ لاحق ہوجائے گا۔سرکاری اسپتالوں میں کام کرنے والے عملے کے لیے کافی بسیں نہیں ہیں ، خاص کر غازی آباد ، نوئیڈا اور گروگرام سے آنے والے افراد کے لئے۔فیڈریشن نے مطالبہ کیا ہے کہ نرسوں کو اعلی معیار کا پی پی ای دیا جائے۔ہسپتال کے قریب رہنے کی سہولت۔ڈیوٹی کے اوقات کو کم کرنا چاہئے تاکہ حفاظت کا کام ہوسکے۔ ٹرانسپورٹ کی بہتر سہولیات فراہم کی جائیں۔
کوئی تبصرے نہیں:
ایک تبصرہ شائع کریں