جماعت تبلیغ اور مولانا سعد کو الفلاح فرنٹ کی مکمل حمایت
دہلی(یواین اے نیوز یکم اپریل2020)تبلیغی جماعت کے خلاف چل رہے پروپیگنڈہ کو لیکر الفلاح فرنٹ نے شدید غم و غصے کا اظہار کیا ہے۔الفلاح فرنٹ کے صدر ذاکر حسین نے میڈیا کو جاری بیان میں کہا کہ تبلیغی جماعت کے ذریعہ میڈیا اور حکومت وطن عزیز کے تمام مسلمانوں کو بدنام کرنے کی کوشش میں ہے لیکن ہم ان کے اس ناپاک عزائم کو پورا نہیں ہونے دیں گے۔ذاکر حسین نے کہا کہ اس وقت الفلاح فرنٹ جماعت تبلغ اورجماعت کے امیر مولانا سعد کاندھلوی کے ساتھ کھڑی ہے۔
ذاکر حسین نے کہا کہ کلمہ,قرآن اور نبی (صلی اللہ علیہ وسلم )کی بنیاد پر ہم ایک ہیں۔ذاکر حسین نے جماعت اسلامی کے ذریعہ جماعت تبلیغ کی حمایت کرنے پر امیر جماعت سعادت اللہ حسینی اور پوری جماعت کا شکریہ ادا کیا ہے۔انہوں نے کہا کہ جماعت کے اس قدم سے تبلیغی اور اسلامی جماعت کے درمیانح حائل فاصلے کم ہونگے اور آپس میں محبت پیدا ہوگی۔اس موقع پر الفلاح فرنٹ صدر نے تمام مسلمانوں سے بلافریق مسلک کے جماعت تبلیغ کے ساتھ کھڑے ہونے کی اپیل کی ہے۔
کوئی تبصرے نہیں:
ایک تبصرہ شائع کریں