نئی دہلی : وزیر اعظم نریندر مودی کے پیر کو آگرہ میں تاج محل دیکھنے جارہے امریکی صدر ڈونلڈ ٹرمپ اور ان کی فیملی ممبر کے ساتھ موجود رہنے کا امکان نہیں ہے۔ سرکاری ذرائع نے یہ بات کہی ہے۔ امریکی صدر ڈونلڈ ٹرمپ 24 فروری کو تقریبا دوپہرکو احمدآباد پہنچیں گے۔ قابل ذکر ہے کہ ٹرمپ اپنی اہلیہ میلانیا ٹرمپ کے ساتھ 24-25 فروری کو ہندوستان کے دورہ پر آرہے ہیں۔
ڈونلڈ ٹرمپ اپنی اہلیہ اور خصوصی وفد کے ساتھ 24 فروری کو ہندوستان پہنچیں گے ۔ احمدآباد میں ایک پروگرام میں شامل ہونے کے بعد ٹرمپ تاج محل کے دیدار کیلئے پیر کی دوپہر آگرہ روانہ ہوں گے اور آخری مرحلے میں وہ راجدھانی دہلی پہنچیں گے۔ٹرمپ کے ساتھ نریندر مودی کے آگرہ جانے کی خبروں کے بارے میں پوچھے جانے پر سرکاری ذرائع نے کہا کہ ایسا کوئی منصوبہ نہیں ہے۔ انہوں نے کہا کہ امریکی صدر ڈونلڈ ٹرمپ اور کی فیملی کا تاج محل جانا انہیں تاریخی ورثہ کو اپنی سہولیات کے مطابق دیکھنے کا موقع دینا ہے۔
اس لئے کوئی سرکاری پروگرام یا ہندستان کے سینئر عہدیداران کی موجودگی کا سوال نہیں ہے۔وزیر اعظم مودی پیر کو احمد میں آباد ہوں گے جہاں ڈونلڈ ٹرمپ اور ان کی اہلیہ میلانیا ٹرمپ کا شاندار استقبال ہوگا۔ ذرائع نے بتایا کہ جب وہ دہلی آئیں گے تو ان کے ساتھ وزیر اعظم بھی موجود ہوں گے۔ جہاں 25 فروری کو باضابطہ مذاکرات ہوں گے۔
ایشیا ایکسپریس کے ان پٹ کے ساتھ
کوئی تبصرے نہیں:
ایک تبصرہ شائع کریں