آنند نگر مہراج گنج(عبید الرحمن الحسینی(یواین اے نیوز 29فروری2020)اترپردیش مدرسہ تعلیمی بورڈ لکھنؤ کے امتحانات کو نقل سے پاک صاف رکھنے کی غرض سے ضلع اقلیتی فلاح وبہبود آفیسر پروین کمار مشر نے امتحانی سینٹر دارالعلوم فیض محمدی ہتھیا گڈھ کا اچانک معاینہ کیا ،آپ کے ساتھ اقلیتی آفس مہراج گنج کے بابو ،برج بھوشن پٹیل بھی تھے۔
اقلیتی آفیسر نے سینٹر کے تمام نظام کی اچھائی اور سختی کے ماحول میں چل رہے امتحانات کے علاوہ سی سی کیمرے کے سسٹم کو دیکھنے کے بعد امتحان گاہ کے ایک ایک کمرہ میں جاکر باریکی سے جائزہ لیا، آپ نے کمروں میں بہتر نظام اور امیدواروں کی سلقیہ مندی اور یکسوئی کیساتھ لکھتے ہوئے دیکھ کر اپنی خوشی اور اطمینان کا اظہار کیا ، معاینہ کے موقع پر آپ کے ساتھ دارالعلوم فیض محمدی کے پرنسپل مولانا محی الدین قاسمی ندوی اور بابو فیض احمد موجود تھے۔
کوئی تبصرے نہیں:
ایک تبصرہ شائع کریں