مین پوری،حافظ محمد ذاکر(یواین اے نیوز 25فروری2020)ضلع مجسٹریٹ مہندر بہادر سنگھ کی طرف سے عیسن ندی کے لئے کی جارہی کوششیں اب آہستہ آہستہ رنگ لا رہی ہیں ،ان کی کاوشوں کا نتیجہ اب ضلع کے لوگوں کو نظر آنے لگا ہے، دریائے عیسن میں شہر کی طرف تیزی سے پانی میں دن بدن اضافہ ہو رہا ہے ، کل پانی مکمل طور پو دریائے عیسن میں چیک ڈیم کے قریب پہنچ گیا، آج پانی چیک ڈیم تک مکمل طور پر پانی سے بھرا ہوا ہے، برسوں سے نظر انداز کی جارہی دریائے عیسن اب اپنے سابقہ شان شوکت میں نظر آئیگی ، کاشتکاروں کو ہر وقت آبپاشی کے لئے پانی میسر ہوگا، دریائے عیسن کا پانی زیرزمین پانی کی سطح میں اضافہ کرے گا یہ شہر میں مددگار ثابت ہوگا اور ساتھ ہی پانی کا معیار بھی بہتر ہوگا،مسٹر سنگھ دن میں کئی بار دریائے عیسن کو دیکھنے اور دریائے عیسن کے ساتھ تعاون کرنے کے لئے ضلع کے لوگوں کو حوصلہ افزائی کی ہے۔
اور تعاون کے لئے توجہ بھی مرکوز کرائی ہے ، دریائے عیسن کو اپنی سابقہ شان پر لانے کے لئے سخت جدو جہد کر رہے ہیں،اور یہ بھی کوشش کی جارہی ہے کہ عیسن ندی کے آس پاس گندگی نہ رہے، جب ندی میں پانی دستیاب ہوگا تو تمام علاقوں میں 07 فٹ سے زیادہ پانی ہوگا،انہو نے لوگوں سے اپیل کی ہے کہ اب دریا میں داخل نہ ہوں ، اپنے جانوروں کوبھیداریائے عیسن میں داخل نہ ہو نے دیں ، گاؤں کے پردھانوں، سکریٹریوں کے ذریعہ لوگوں کو آگاہ کیا جارہا ہے،اور جہاں ، جہاں چیک ڈیم بنائے گئے ہیں، وہیں انتباہی بورڈ بھی لگائے جارہے ہیں،تاکہ لوگ پانی کی گہرائی اور خطرے سے آگاہ رہیں۔
دریا کے کنارے رفع حاجت کو روکنے کے لئے مرکزی مقامات پر سی سی ٹی وی کیمرے لگائے گئے ہیں،یہ بھی اپیل کی جارہی ہے کہ کوئی بھی شخص کوڑا کرکٹ دریا میں نہ پھینکیں،ضلع مجسٹریٹ نے گاؤں اور شہر کے باشندوں سے دریائے عیسن کے کنارے ملاقات کی، اور کہا کہ کوئی بھی شخص دریا میں کوڑا کرکٹ نہ پھینکے، دریا کے کنارے کھلے میں رفع حاجت کو نہ جائیں، اگر کوئی شخص دریا کے کنارے رفع حاجت کرتا یا کوڑا پھینکتا ہوا پایا جاتا ہے تو اس کے خلاف موثر کارروائی کی جائے گی۔
کوئی تبصرے نہیں:
ایک تبصرہ شائع کریں