ابرار احمد اصلاحی دانش رکن جماعت اسلامی کوہنڈہ اعظم گڑھ یو پی
عورتیں ہیں عظمت ہندوستاں شاہین باغ
ان کے عزم و حوصلہ سے ملک ہے یہ باغ باغ
جب خبر آئی مصیبت میں گھری طلبہ کی جان
ان کے سر میں آگیا ہے شیرنی جیسا دماغ
چھوڑ کر فطری حیا کو آگئیں سڑکوں پہ یہ
ان پہ جب لگنے کو تھا گھس بیٹھیا ہونے کا داغ
شاہینائیں بن گئی ہیں قوم کی سب بیٹیاں
ڈر گئے ہیں ان سے جو بھی ہیں لٹیرے زغن وزاغ
عزم و ہمت سے اٹھیں ہیں نرم و نازک ہستیاں
وقت کے فرعون کا ہونے کو ہے کھٹا دماغ
ملک سے قانون ہٹ جانے کا خطرہ جب ہوا
اس نے دستوری حفاظت کا دیا سب کو سراغ
ان کی عظمت ان کی قوت ان کی جرات کو سلام
پوری دنیا نے سنا ان کی صدائے البلاغ
پورے ہندوستان سے آواز دانش اُٹھ گئی
قوم جاگ اٹھی ہے تیرے ساتھ اے شاہین باغ
کوئی تبصرے نہیں:
ایک تبصرہ شائع کریں