بھوپال ۔(یو این اے نیوز 31 اکتوبر 2020) فرانس میں کارٹون تنازعہ کی وجہ سے مدھیہ پردیش کے دارالحکومت بھوپال میں فرانسیسی صدر ایمانوئل میکرون کے خلاف احتجاج کرنے پر پولیس نے کانگریس کے ایم ایل اے عارف مسعود سمیت کچھ علماء سمیت تقریبا دو ہزار افراد کے خلاف مقدمہ درج کیا ہے۔ کانگریس کے ایم ایل اے عارف مسعود کا کہنا ہے کہ فرانس کے صدر کو معافی مانگنی چاہئے۔ عارف مسعود کہتے ہیں کہ ہم نے کبھی کسی کے مذہب کے بارے میں کچھ برا نہیں کہا ، تب کسی کو بھی حق نہیں ہے کہ وہ ہمارے نبی کے شان میں کسی بھی طرح کی گستاخی کریں۔
اگر فرانس کے صدر نے کارٹون پر تبصرہ کیا ہے تو ہم نے پرامن طور پر اس کی مخالفت کی ہے۔ میں عدالت میں جواب دوں گا جس نے کیس دائر کیا ہے۔ کیونکہ اب یہ مقدمہ درج کرلیا گیا ہے ، اب عدالت میں معاملہ باقی ہے ، میں عدالت میں اسے ثابت کردوں گا ، لیکن اس سے یہ سوال بھی اٹھتا ہے کہ سیاسی پارٹیاں انتخابی ریلیاں و جلسہ جلوس کرواسکتی ہیں۔ اگر ہم انصاف مانگتے ہیں تو ہمارے خلاف مقدمہ درج ہوگا
پولیس نے بتایا کہ کوویڈ ۔19 کی پابندیوں کی خلاف ورزی پر کانگریس ایم ایل اے سمیت لوگوں کے خلاف ایف آئی آر درج کی گئی ہے۔ تلیا پولیس اسٹیشن کے انچارج ڈی پی سنگھ نے جمعہ کے روز بتایا کہ جمعہ کے روز مسعود اور کچھ علما سمیت تقریبا دو ہزار افراد احتجاج کے لئے یہاں اقبال گراؤنڈ پر جمع ہوئے تھے۔ ان کے خلاف دفعہ 188 (سرکاری ملازم کے ذریعہ حکم سے انکار) کے تحت مقدمہ درج کیا گیا ہے۔
انہوں نے کہا کہ مظاہرین نے کورونا وائرس کے وبا کو دیکھتے ہوئے ضلعی انتظامیہ کے حکم کی خلاف ورزی کی ہے۔ واضح رہے کہ فرانس میں کارٹون تنازعہ کو لیکر ، علماء کرام اور مسلم کمیونٹی کے لوگوں نے جمعرات کے روز بھوپال کے اقبال میدان میں فرانسیسی صدر میکرون کے خلاف مظاہرہ کیا۔ یہ سارا تنازعہ پیرس کے نواحی علاقے میں ایک اساتذہ کے قتل کے بعد شروع ہوا جس نے اپنے طلباء کو حضرت محمد کے کارٹون بناکر دکھائے۔ بعد میں اس کارٹونسٹ کا قتل کردیا گیا
کوئی تبصرے نہیں:
ایک تبصرہ شائع کریں