نئی دہلی:اسماعیل عمران (یو این اے نیوز 30ستمبر 2020)ایودھیا میں بابری مسجد انہدام کیس میں سی بی آئی کی خصوصی عدالت آج اپنا فیصلہ سنائے گی۔ اس معاملے میں ، بی جے پی کے سینئر رہنما ایل کے اڈوانی ، مرلی منوہر جوشی اور اوما بھارتی سمیت 49 افراد پر فرد جرم عائد کیا گیا ہے۔ جن میں سے 17 کی موت ہوچکی ہے۔ عدالت نے فیصلے کے دن تمام ملزمان کو عدالت میں رہنے کا حکم دیا ہے۔ تاہم ، منگل کے روزانہ ایسی خبریں آرہی تھیں کہ بی جے پی قائدین ایل کے ایڈوانی ، مرلی منوہر جوشی ، اوما بھارتی ، کلیان سنگھ ، نرتیگوپال داس اور ستیش پردھان ، خراب صحت کی وجہ سے عدالت میں پیش نہیں ہوں گے۔
 |
| F.P |
یہ لیڈران عدالت میں رہینگے موجود
حالانکہ چمپت رائے ، برج بھوشن سنگھ ، پون پانڈے ، لالو سنگھ ، ساکشی مہاراج ، سادھوی ریتامبھرا، اچاریہ دھرمندر دیو ، رام چندر کھتری ، سدھیر ککڑ او پی پانڈے ، جئے بھگوان گوئل ، امر ناتھ گوئل ، سنتوش دوبے وغیرہ عدالت میں موجود رہینگے۔
گواہ 351اور 600 دستاویزات پیش کئے گئے
اس تعلق سے سپریم کورٹ نے بابری مسماری کرنے کے معاملہ کو 31 اگست تک مکمل کرنے کا حکم دیا تھا اور سی بی آئی کی خصوصی عدالت بھی 31 اگست تک اس معاملے کو مکمل کرنے کی کوشش کر رہی تھی ، لیکن کچھ وجوہات کی وجہ سے یہ ایک ماہ آگے چلا گیا۔ اس معاملے میں ، استغاثہ (استغاثہ فریق) کے ذریعہ 351 گواہ اور 600 کے قریب دستاویزات پیش کئے جاچکے ہیں۔
کیا ہے معاملہ
6 دسمبر 1992 کو ، 16 ویں صدی کی بنی بابری مسجد کو کار سیوکوں کی ایک بھیڑ نے توڑ پھوڑ کر ڈھا دیا تھا ۔جسے لہکر ملک بھر میں فرقہ وارانہ ماحول پیدا ہوگیا ، فسادات ہوئے اور ہزاروں افراد ان فسادات میں اپنی جان سے ہاتھ دھو بیٹھے۔ تب سے یہ کیس عدالت میں چل رہا تھا۔
دونوں فریق کے دلائل کیا ہیں؟
اب اس مسجد کو مسمار کرنے کے معاملے میں ، ہندو فریق نے دعوی کیا کہ ایودھیا میں بابری مسجد کی تعمیر مغل حکمراں بابر نے 1528 میں سری رام کی جائے پیدائش پر بنائے گئے رام للا کے مندر کو منہدم کرکے کی گئی تھی۔ جبکہ مسلم فریق نے دعوی کیا کہ بابری مسجد کسی مندر کو توڑ کر نہیں بنائی گئی تھی۔ سن 1885 میں ، پہلی بار یہ کیس عدالت میں پہنچا۔ بی جے پی رہنما لال کرشن ایڈوانی نے 90 کی دہائی میں رام رتھ یاترا نکالی اور رام مندر تحریک نے زور پکڑ لیا۔
2سے پانچ سال تکی سزا ہوسکتی ہے ۔
واضح رہے اس معاملے میں عدالت یہ طے کریگی کی ایودھیا میں واقع بابری مسجد کو کیا شازش کے طور پر منہدم کیا گیا یا پھر غصائے کار سیوکوں نے اسے غصے سے منہدم کردیا تھا۔یہاں پر قارئین کو یہ جاننا ضروری ہے۔اگر بی جے پی لیڈروں پر لگے یہ الزام صحیح ثابت ہوجاتے ہیں۔تو انھیں 2سال سے لیکر 5سال کی سزا ہوسکتی ہے ۔
جیل جانے کو تیار ضمانت نہیں لونگی۔
بی جے پی لیڈر اور سابق مرکزی وزیر اوما بھارتی نے صاف صاف کہہ دیا ہیکہ سزا ہوئی تو جیل جانے کو تیار ہوں۔ضمانت نہیں لونگی ۔وہیں ساکچھی مہاراج نے کہا ہیکہ تنازعہ ڈھانچہ ماتھے پر کلنک جیسا تھا۔جیل جانا پڑا تو ہنستے ہوئے جاؤں گا ۔کاشی متھرا کےلئے نئے کارسیوک آئنگے۔
کوئی تبصرے نہیں:
ایک تبصرہ شائع کریں