لکھنؤ۔(یو این اے نیوز 15اگست 2020)شاہ جہان پور ضلع میں ٹاپ 10 انتہائی مطلوب مجرم ، سہیل عرف باڈر کو ، اپنے بھائیوں کامران اور عمران کے ساتھ ، پنجاب کے فتح گڑھ صاحب تھانہ علاقے سے گرفتار کرلیا گیا ہے۔ پولیس کے مطابق ، ان لوگوں کی ایک طویل مجرمانہ تاریخ ہے۔ باڈر پر پچیس ہزار اور اس کے بھائیوں پر پانچ پانچ ہزار روپیوں کے انعام کا اعلان ہے۔ شاہ جہان پور پولیس سویلانس ، ایس او جی اور تھانہ صدر بازار پولیس پولیس کی مشترکہ ٹیم مفرور مجرموں کا تعاقب کررہی تھیں۔ یہ وہی باڈر ہے ، جس کے نام پر لوگ کانپتے تھے ، لیکن جب اسے پنجاب میں پکڑا گیا ، اسے بیکرو کانڈ کی طرح شاہ جہان پور لے جاتے وقت ، کار الٹ جانے کا خوف ستانے لگا۔ تب اس نے پنجاب پولیس سے التجا کی کہ وہ اس کے تحفظ کے لئے اپنے دو سپاہیوں کو شاہجہان پور بھیجے ، لیکن پنجاب پولیس نے سپاہیوں کو نہیں بھیجا۔
فی الحال ، پنجاب سے شاہ جہاں پور لےجاتے وہ اسکی گاڑی نہیں پلٹی ، عدالت میں پیش ہونے کے بعد ، باڈر اور اس کے بھائیوں کو جیل بھیج دیا گیا۔ معلوم رہے کہ باڈر اور اس کے گروہ کا ریل اسٹیٹ کے کاروبار میں بہت اثر ہے۔ انہیں سیاسی سرپرستی بھی حاصل ہے۔ جس پارٹی کی حکومت ہوتی ہے اس پارٹی کے ایک لیڈر کا انپر ہاتھ ہوتا ہے ، خیال کیا جاتا ہے کہ اسی سیاسی سرپرستی کی وجہ سے پولیس کی کار پنجاب سے شاہجہاں پور جاتے وقت نہیں پلٹی
گزشتہ مہینے پولیس نے سہیل عرف باڈر کے رہائشی علی زئی کو گرفتار کرنے کے لئے محاصرے کا منصوبہ بنایا تھا ، لیکن سہیل عرف باڈر کھیتوں کی طرف بھاگ گیا۔ پولیس کی ٹیم نے دو کلومیٹر تک اس کا پیچھا بھی کیا ، لیکن وہ گنے کے کھیتوں کا فائدہ اٹھا کر فرار ہونے میں کامیاب ہوگیا۔ تب سے پولیس کی متعدد ٹیمیں اس کا پیچھا کر رہی تھیں۔ پولیس کے مطابق ، باڈر کے خلاف مختلف تھانوں میں ڈکیتی ، ، قتل ، اقدام قتل ، جیسے گھناؤنے جرائم کے تقریبا دو درجن مقدمات درج ہیں۔
ایس پی ایس آنند نے بتایا کہ شاہجہان پور پولیس نے 25 ہزار انتہائی مطلوب مجرم سہیل کو پنجاب سے گرفتار کرلیا مفرور بدمعاش کے خلاف ڈیڑھ درجن سے زائد فوجداری کے مقدمات درج ہیں۔ فی الحال ، پولیس نے باڈر اور پانچ پانچ ہزار کے انعامی اسکے دونوں بھائیوں کوجیل بھیج دیا ہے۔ دراصل ، سہیل خان عرف باڈر ، جو تھانہ صدر بازار کے علاقے علی جئی کا رہنے والا ہے ،جو پورے ضلع میں دہشت مچا رکھی تھی۔ باڈر نے نوجوانوں کو پیٹنے کی ویڈیوز بناکر سوشل میڈیا پر شیئر کرتا، جس کی وجہ سے لوگوں میں اس کی دہشت بیٹھ گئی۔ باڈر پر قتل ، بھتہ خوری ، اراضی پر قبضہ کرنے کے ڈیڑھ درجن سے زیادہ مقدمات درج تھے۔
پولیس نے باڈر عرف سہیل کے سر پر 25 ہزار کا انعام رکھا تھا۔ اس کے علاوہ اس کے دو بھائیوں عمران اور کامران پر بھی پانچ ہزار روپیوں کے انعام اعلان کیا تھا۔ سرویلانس کی مدد سے پولیس نے اسے فتح گڑھ صاحب ، تھانہ ، چنڈی گڑھ سے گرفتار کیا۔ پولیس کا کہنا ہے کہ باڈر نے پنجاب پولیس سے وکاس دوبے کی طرح انکاؤنٹر کی ڈر سے یوپی جاتے وقت دو پولیس کی مدد مانگی تھی لیکن پنجاب پولیس نے اسکی بات نہیں مانی فی الحال ، پولیس نے شاطر بدمعاش سہیل اور اس کے دو بھائیوں کو جیل بھیج دیا ہے۔
کوئی تبصرے نہیں:
ایک تبصرہ شائع کریں