رپورٹ اسماعیل عمران ,نئی دہلی ۔(یو این اے نیوز 11فروری 2020)دارالحکومت دلی میں 8فروری کو ہوئے اسمبلی انتخابات کے آخری رزلٹ بتانے کے لئے چیف الیکشن آفیسر دفتر نے مکمل طور پر تیاری کرلی ہے۔ووٹوں کی گنتی کے مراکز کے باہر حفاظتی انتظامات کے سخت انتظامات کئے گئے ہیں۔منگل کی صبح 8بجے سے ووٹوں کی گنتی شروع کردی جائے گی ۔دوپہر بارہ سے ایک بجے تک یہ واضح ہوجائے گا کی دارالحکومت دہلی میں کس سیاسی جماعت کی حکومت بنے گی ۔لیکن مکمل نتیجہ سرکاری طور پر شام تک آنے کی امید ہے ۔
واضح رہے سی ای او دفتر کے مطابق الیکشن کمیشن کے ہدایت نامہ کے تحت تمام اسمبلی حلقوں کے ای وی ایم میں درج ووٹوں کو پانچ وی وی پیڈ سے ملانا ضروری ہے۔ سبھی 11 اضلاع کی 70 اسمبلی نشستوں کےلئے 21 گنتی مراکز پر تقریبا 2600 افراد پر مشتمل ٹیم ووٹوں کی گنتی کرینگے الیکشن کمیشن نے گنتی کے دوران نگرانی کرنے کے لئے 33 افسران متعین کیے گئے ہیں۔ واضح رہے اس بار الیکش کمیشن کی طرح 80سال کی عمر سے زائد اور معذور لوگوں کو انکے گھر ہی پر رائے دہندگان کرنے کو اجازت دی گئی تھی ۔
اسی کے تحت 2691 بزرگ معذوروں نے اپنے گھر پر رہتے ہوئے پوسٹل بیلٹ کے ذریعے ووٹنگ کی تھی ان ووٹوں کی گنتی کے بعد ای وی ایم مشینیں کھلے گی اس انتخاب میں 13,751ای وی ایم مشینیں استعمال کی گئی ہیں ۔ان ای وی ایم مشینوں کے کھلنے کے ساتھ ہی 672 امیدواروں کی قسمت کا پٹارہ بھی کھلے گا صبح 9بجے سے رجحان ملنے کی امید ہے۔معلوم رہے اس بار دلی کے 92,54لاکھ لوگوں نے کی ہے ووٹنگ ۔ دلی میں کل ایک کروڑ 47لاکھ 86ہزار 382 رائے دہندگان ہیں ۔جسمیں سے 92لاکھ 54ہزار 843لوگوں نے اپنا ووٹ ڈالا ہے ۔جسمیں 50لاکھ 75 ہزار 662 مرد اور 41لاکھ 78 ہزار 841 عورتیں اور 340 تھرڈ جنڈر شامل ہیں ۔
8فروری 2020 کے ہوئے اسمبلی انتخابات میں کل 672 امیدواروں نے اپنی قسمت آزمائی ہے
عام آدمی پارٹی سے 70 ،بھارتیہ جنتا پارٹی اتحاد ،67 بھاجپا ،2 جے ڈی یو۔ ایل جے پی 1 ،
کانگریس اتحاد ۔کانگریس 66۔آر جے ڈی 4۔
بی ایس پی 68 ۔دیگر سیاسی جماعتوں کے کل امیدوار 246۔ اور آزاد امیدوار کی کل تعداد 148 تھی ۔اس طرح کل672امیدواروں نے دلی اسمبلی انتخابات میں اپنی قسمت آزمائی ہے ۔معلوم رہے 8فروری کے ووٹنگ کے بعد ہی سے تمام ایگزٹ پول ایک بار پھر سے عام آدمی پارٹی کی جیت بتا رہے ہیں ۔
کوئی تبصرے نہیں:
ایک تبصرہ شائع کریں