نئی دہلی(یواین اے نیوز14جنوری2020)تیس ہزاراری کورٹ نے شہریت ترمیمی ایکٹ کے خلاف احتجاج کے معاملے میں بھیم آرمی کے چیف ، چندر شیکھر آزاد کی ضمانت کیس میں دہلی پولیس کو پھٹکار لگائی ہے۔ جمعہ کے روز ، دریا گنج کے تشدد کیس میں ، دہلی کی تیس ہزاری کورٹ نے کہا کہ آپ ایسا سلوک کررہے ہیں جیسے جامع مسجد پاکستان میں ہے۔عدالت نے دہلی پولیس سے سوال کیا کہ کیا اشتعال انگیز بیان دیا گیا ہے۔ قانون کیا کہتا ہے آپ نے اب تک کیا کارروائی کی ہے؟
سرکاری وکیل نے عدالت کو بتایا کہ میں آپ کو وہ قانون دکھانا چاہتا ہوں جو مذہبی اداروں کے باہر مظاہرہ پر پابندی کی بات کرتا ہے۔ جج نے دہلی پولیس سے کہا ، "کیا آپ کو لگتا ہے کہ ہماری دہلی پولیس اتنی پسماندہ ہے کہ ان کےپاس کوئی ریکارڈ نہیں؟" چھوٹے معاملوں میں ، دہلی پولیس نے ثبوت درج کئے ہیں پر اس واقعے میں ثبوت کیوں نہیں؟ "جج نے کہا ،" تشدد کہاں ہوا؟ ان پوسٹروں میں کیا غلطی ہے؟ کس نے کہا کہ مظاہرہ نہیں کیا جاسکتا۔ کیا آپ نے آئین پڑھا ہے؟
اس کیس کی سماعت کے دوران ، دہلی پولیس کی جانب سے پیش ہونے والے وکیل نے کہا کہ ہمیں جو ڈرون فوٹیج ملا ہے ، اس سے یہ صاف ظاہر ہے کہ چندر شیکھر ہجوم کو بھڑکانے والی تقریر کس طرح کررہے ہیں۔ تاہم ، چندر شیکھر کی طرف سے پیش ہوئے وکیل محمود پراچہ نے کہا کہ انہوں نے ایسی کوئی تقریر نہیں کی تھی ، وہ صرف شہریت ترمیمی قانون (سی اے اے) اور این آر سی کے خلاف اپنا احتجاج درج کرا رہے تھے۔دریا گنج تشدد کیس معاملے میں بھیم آرمی چیف چندر شیکھر کی درخواست ضمانت پر دہلی کی تیس ہزاری کورٹ میں سماعت جاری رہے گی۔ عدالت نے سہارنپور میں چندر شیکھر کے خلاف دائر تمام ایف آئی آر کے بارے میں معلومات طلب کی ہیں۔
کوئی تبصرے نہیں:
ایک تبصرہ شائع کریں