مالیر کوٹلہ(یو این اے نیوز 28 جنوری 2020) پنجاب ایجوکیشن ڈیپارٹمنٹ کے سیکرٹری شری کرشن کمار کی جانب سے صوبہ کے سرکاری سکولوں کے تعلیمی معیار کو اونچا اٹھانے کے لیے آئے دن نئی کاوشوں کا اہتمام کیا جاتا رہتا ہے. اسی ضمن میں ڈیپارٹمنٹ میں خالی پوسٹوں کو پُر کرنے کی قواعد کے تحت جن سکولوں میں ہیڈ ماسٹرز و پرنسپلز نہیں تھے گزشتہ دنوں ان میں ہیڈ ماسٹر تعینات کیے گئے ہیں . یہاں نزدیکی گاؤں پھرواہی کے سرکاری ہائی اسکول میں ہیڈ ماسٹر کا ایک عہدہ جو کہ عرصہ دراز سے خالی پڑا تھا گزشتہ روز شری اشوک گرگ نے اس کو سنبھالا۔
اس موقع پر بطور ہیڈ ماسٹر انہوں نے پہلے خطاب میں کہا کہ جو ذمہ داری سرکار نے انھیں سونپی ہے اسے وہ اسکول کے اسٹاف کے تعاون سے بحسن خوبی انجام دینے کی ہر ممکن کوشش کریں گے.اس موقع پر ان کو جوائن کرانے کے لیے ان کے ہمراہ انکی والدہ محترمہ شریمتی سدیش رانی، بھائی جولی گرگ اہلیہ پرینکا گپتا اور بیٹا ادھیراج گرگ خصوصی طور پر تشریف لائے. جبکہ سرکاری ہائی اسکول مبارکپور کے ہیڈ ماسٹر شری لابھ سنگھ، شریمتی ترپتا رانی پرنسپل سعادت پور ، محمد اخلاق، محمد مصطفیٰ، شری چرنجیت سنگھ امریک سنگھ، کلدیپ سنگھ محمد عباس دھالیوال نے شری اشوک گرگ کو بطور ہیڈ ماسٹر عہدہ سنبھالنے پر مبارکباد دیتے ہوئے اپنی نیک خواہشات کا اظہارِ خیال کیا۔
کوئی تبصرے نہیں:
ایک تبصرہ شائع کریں